ആഘോഷം വിമാനത്തിലായാലോ; വേറിട്ട ഒരു രക്ഷാബന്ധൻ ആഘോഷം; വീഡിയോ കാണാം

സഹോദരങ്ങൾ തമ്മിലുള്ള അതുല്യമായ ബന്ധത്തിന്റെ ആഘോഷമാണ് രക്ഷാബന്ധൻ. രാജ്യത്തുടനീളം രക്ഷാബന്ധൻ ആഘോഷിക്കപ്പെടുന്നുണ്ട്. ഇത്തരം ആഘോഷദിനങ്ങളിൽ പ്രിയപ്പെവരിൽ നിന്നും ആഘോഷങ്ങളിൽ നിന്നും മാറി നിൽക്കേണ്ടി വരുന്നത് വലിയ കഷ്ടമാണ്. എന്നാൽ തൊഴിലിടത്തിൽ തന്നെ രണ്ട് സഹോദരങ്ങൾക്ക് രക്ഷാബന്ധൻ ആഘോഷിക്കാൻ അപൂർവ്വ അവസരം ലഭിച്ചതിന്റെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്. ഇൻഡിഗോ എയർലൈൻസ് ക്യാബിൻ ക്രൂ അംഗമായ ശുഭ, പൈലറ്റായ സഹോദരൻ ഗൗരവിനുമാണ് ഇത്തരത്തിൽ വിമാനത്തിൽ രക്ഷാബന്ധൻ ആഘോഷിക്കാൻ അവസരം ലഭിച്ചത്. വിമാനത്തിൽവെച്ച് കയ്യിൽ രാഖികെട്ടുന്ന വീഡിയോ ഇരുവരും സമൂഹ മാദ്ധ്യമങ്ങളിൽ പങ്കുവെക്കുകയും ചെയ്തു.

Flying with a hero: Subedar Major Sanjay Kumar ji, a Living Param Veer Chakra awardee! #goIndiGo #IndiaByIndiGo pic.twitter.com/CZsqlHxRj6

— IndiGo (@IndiGo6E) July 23, 2023

വിമാനം പുറപ്പെടുന്നതിന് മുമ്പ് ശുഭ യാത്രക്കാർക്ക് പ്രത്യേക അറിയിപ്പ് നൽകുന്നതോടെയാണ് വീഡിയോ ആരംഭിക്കുന്നത്. ‘ഞങ്ങളുടേത് പോലെയുള്ള ഒരു തൊഴിലിൽ, എല്ലാ വർഷവും ഞങ്ങളുടെ പ്രിയപ്പെട്ടവരോടൊപ്പം ആഘോഷങ്ങളോ പ്രത്യേക നിമിഷങ്ങളോ പങ്കിടാൻ പലപ്പോഴും കഴിയാറില്ല. കാരണം നിങ്ങലെ ലക്ഷ്യസ്ഥാനത്തെത്തിക്കുക എന്നത് ഞങ്ങളുടെ ഉത്തരവാദിത്വമാണ്. അതുകൊണ്ട് തന്നെ വർഷങ്ങൾക്ക് ശേഷം ഞങ്ങൾക്ക് ഒരുമിച്ച് രക്ഷാബന്ധൻ ആഘോഷിക്കാൻ അവസരം ലഭിച്ചത് ഇപ്പോഴാണ്.

എല്ലാ സഹോദരങ്ങളേയും പോലെ ഞങ്ങളും ഇണങ്ങുകയും പിണങ്ങുകയും വഴക്ക് കൂടുകയും ചെയ്യാറുണ്ട്. പക്ഷേ അവൻ എന്റെ ഏറ്റവും നല്ല സുഹൃത്താണ്. ഇത്രയും പറഞ്ഞ് ശുഭ തന്റെ സഹോദരന്റെ കയ്യിൽ രാഖി കെട്ടിക്കൊടുത്തു. ഇരുവരുടെയും രക്ഷാബന്ധൻ ആഘോഷത്തിന്റെ വീഡിയോ സോഷ്യൽ മീഡിയയിൽ പ്രചരിക്കുകയാണ്. ഇൻഡിഗോയും ഈ വീഡിയോ പങ്കുവെച്ചിട്ടുണ്ട്.