തിരുവനന്തപുരം: അന്താരാഷ്ട്ര കലിഗ്രഫി ഫെസ്റ്റിവൽ കേരളത്തിൽ. ആദ്യമായാണ് കേരളം വേദിയാകുന്നത്. ഒക്ടോബർ രണ്ട് മുതൽ അഞ്ച വരെ കൊച്ചിയിലാണ് ഫെസ്റ്റിവൽ.
കേരള ലളിതകലാ അക്കാദമിയും നാരായണ ഭട്ടതിരിയുടെ നേതൃത്വത്തിലുള്ള കചടതപ ഫൗണ്ടേഷനും ചേർന്നാണ് ഫെസ്റ്റിവലിൽ സംഘടിപ്പിക്കുന്നത്. വിവിധ രാജ്യങ്ങളിൽ നിന്നും ഇന്ത്യയിലെ മറ്റു സംസ്ഥാനങ്ങളിൽ നിന്നും വിഖ്യാതരായ കലിഗ്രഫി കലാകാരന്മാർ പങ്കെടുക്കും.
കല, സാഹിത്യ, സിനിമ, പരസ്യം തുടങ്ങിയ വിവിധ മേഖലകിൽ ആസ്വാദനവും സംവേദനവും കൂടുതൽ സമ്പുഷ്ടമാക്കുന്ന, കലാരൂപമാണ് കലിഗ്രഫി അഥവാ അക്ഷരകല. ശില്പശാലകൾ, സോദാഹരണപ്രഭാഷണങ്ങൾ, തത്സമയ ഡെമോകൾ, പ്രദർശനങ്ങൾ, കലാപരിപാടികൾ തുടങ്ങി നിരവധി അനുബന്ധ പരിപാടികളുണ്ടാവും. മലയാളം, ദേവനാഗരി, ഇംഗ്ലീഷ്, ഹിന്ദി, അറബിക്, ഉറുദു, ഹീബ്രൂ, ഇറാനി, കൊറിയൻ എന്നീ കലിഗ്രഫികളുടെ സങ്കീർണതകൾ അറിയാനുള്ള സുവർണാവസരമാണിത്.
ലോകത്തെ വിവിധ ഭാഷകളിലുള്ള 150-ഓളം കലിഗ്രഫി രചനകളുടെ പ്രദർശനവും സംഘടിപ്പിക്കുന്നുണ്ട്. ഇന്ത്യയിൽ നിന്നുള്ള പതിനാറു കലിഗ്രാഫർമാരും അതിഥികളായെത്തും. ഇന്ത്യയിലെ വിവിധ കോളജുകളിൽ നിന്നായി നിരവധി വിദ്യാർത്ഥികളും പങ്കെടുക്കും.
