തെന്നിന്ത്യയിൽ ഏറെ ആരാധകരുള്ള യുവനടനാണ് വിജയ് ദേവരക്കൊണ്ട. വിരലിലെണ്ണാവുന്ന ചിത്രങ്ങൾ മാത്രമേ അഭിനയിച്ചിട്ടുള്ളു എങ്കിലും വലിയൊരു കൂട്ടം ആരാധകരെ താരം സമ്പാദിച്ചിട്ടുണ്ട്. ആരാധകരുമായി സിനിമയ്ക്ക് പുറത്തും നല്ല ബന്ധം പുലർത്തുന്ന താരമാണ് വിജയ് ദേവരക്കൊണ്ട. ഒരുപാട് സാമൂഹിക പ്രവർത്തനങ്ങളിലും താരം നേരിട്ട് പങ്കെടുക്കാറുണ്ട്. ആരാദകരുട പ്രശ്നങ്ങളും മനസ്സിലാക്കി പ്രവർത്തിക്കുന്ന താരമാണ് വിജയ് ദേവരക്കൊണ്ട. കുഷിയാണ് താരത്തിന്റെ ഏറ്റവും പുതിയ ചിത്രം. ഇതിനോടകം ചിത്രം മികച്ച വിജയം നേടിക്കഴിഞ്ഞു.
TRULY #SpreadingKushi ❤️
Big hearted @TheDeverakonda announces the distribution of 1 CRORE RUPEES to 100 families (1 Lakh Each) to share his #Kushi #BlockbusterKushi 🩷 pic.twitter.com/o7iWov4Ob1
— Ramesh Bala (@rameshlaus) September 4, 2023
ചിത്രം വിജയം കൈവരിച്ച സാഹചര്യത്തിൽ ആരാധകർക്കായി വൻ പ്രഖ്യാപനം നടത്തിയിരിക്കുകയാണ് വിജയ് ദേവരക്കൊണ്ട. കുഷിയുടെ പ്രതിഫലത്തിൽ നിന്ന് ഒരു കോടി 100 കുടുംബങ്ങൾക്ക് നൽകാനാണ് താരത്തിന്റെ തീരുമാനം. ഒരു ലക്ഷം വീതം 100 കുടുംബങ്ങൾക്ക് നൽകുമെന്നാണ് നടൻ പ്രഖ്യാപിച്ചിരിക്കുന്നത്. കുഷിയുടെ വിജയാഘോഷ വേളയിലായിരുന്നു താരം ഇക്കാര്യം ആരാധകരുമായി പങ്കുവെച്ചത്. അടുത്ത ഏതാനും ദിവസങ്ങൾക്കുള്ളിൽ തിരഞ്ഞെടുത്ത 100 കുടുംബങ്ങളുടെ അക്കൗണ്ടുകളിൽ ഞാൻ സമ്പാദിച്ചതിൽ നിന്ന് ഒരു വിഹിതം എത്തുമെന്നായിരുന്നു താരത്തിന്റെ വാക്കുകൾ.
അതേസമയം ചിത്രം 70.23 കോടി കളക്ക്ഷനാണ് മൂന്ന് ദിവസത്തിൽ നേടിയിരിക്കുന്നത്. സാമന്തയാണ് ചിത്രത്തിലെ നായിക. ശിവ നിർവാണയായിരുന്നു ചിത്രം സംവിധാനം ചെയ്തത്. ചിത്രത്തിന്റെ പ്രമോഷൻ പരിപാടികളടക്കം വളരെ ശ്രദ്ധനേടിയിരുന്നു.
