തിരുവനന്തപുരം; എട്ട് വയസ്സുകാരൻ മുഹമ്മദ് യഹിയ ഉണ്ണിക്കണ്ണന്റെ വേഷം കെട്ടിയത് ഒട്ടും ശരിയായില്ലെന്ന് ഇസ്ലാം മതപണ്ഡിതനും ജമാഅത്തെ ഇസ്ലാമി മുൻ നേതാവുമായ ഒ അബ്ദുള്ള. ഞങ്ങളുടെ മത വിശ്വാസത്തിന് അത് എതിരാണ് അത്. ഹിന്ദു മിത്തോളജി ഇസ്ലാമിക സങ്കൽപ്പത്തിന് തീർത്തും എതിരാണെന്നും അബ്ദുള്ള പറഞ്ഞു. ജനം ടിവിയുടെ ഡിബേറ്റിൽ പങ്കെടുത്ത് സംസാരിക്കുകയായിരുന്നു അബ്ദുള്ള.
കോഴിക്കോട് നടന്ന ബാലഗോകുലത്തിന്റെ ആഭിമുഖ്യത്തിൽ നടന്ന ശോഭായാത്രയിലാണ് കൊച്ചു യഹിയ ഉണ്ണിക്കണ്ണനായി മാറിയത്. കോഴിക്കോട് വെസ്റ്റ്ഹിൽ എസ്എസ് അപ്പാർട്ട്മെന്റിൽ താമസിക്കുന്ന തലശ്ശേരി സ്വദേശി സനീജിന്റെയും റുബിയയുടെയും മുത്തമകനാണ് മുഹമ്മദ് യഹിയ.
ദിവ്യാംഗനായ കുഞ്ഞിന്റെ ആഗ്രഹത്തിന് വാപ്പയുടെയും ഉമ്മയുടേയും പൂർണ്ണ പിന്തുണ ഉണ്ടായിരുന്നു. ഉമ്മയാണ് ഉണ്ണിക്കണ്ണനായി മേക്കപ്പ് ഇട്ട് മകനെ ശോഭയാത്രയ്ക്ക് എത്തിച്ചത്. മഴ പൊലും വകവയ്ക്കാതെയാണ് വീൽ ചെയറിൽ ഇരുന്ന് കൊണ്ട് ഉണ്ണിക്കണ്ണനായി മാറിയത്. മലയാളികൾ ഒന്നടങ്കം യഹിയയേയും കുടുംബത്തേയും പ്രശംസിച്ച് രംഗത്ത് വന്നിരുന്നു.
