ബോളിവുഡ് സിനിമാ മേഖലയിലെ ഏറ്റവും ക്യൂട്ട് ദമ്പതികളാണ് നടൻ റിതേഷ് ദേശ്മുഖും ഭാര്യയും നടിയുമായ ജെനീലിയ ഡിസൂസ ദേശ്മുഖും. 2012ലാണ് ഇരുവരും വിവാഹിതരായത്. മറാത്തി ചിത്രമായ ‘വേഡ്’ എന്ന ചിത്രത്തിലാണ് ഇരുവരും അവസാനമായി ഒന്നിച്ചത്. ഇതുവരെ ഹിന്ദി, തമിഴ്, തെലുങ്ക്, കന്നഡ, മലയാളം എന്നിങ്ങനെ വിവിധ ഭാഷകളിലെ സിനിമകളിൽ ജെനീലിയ അഭിനയിച്ചിട്ടുണ്ട്. ഇരുവരും സമൂഹമാദ്ധ്യമങ്ങളിൽ സജീവമാണ്. അതിനാൽ താരങ്ങളുടെ ചിത്രങ്ങൾക്കും കുടുംബ ചിത്രങ്ങൾക്കും ആരാധകർ ഏറെയാണ്. ഇപ്പോഴിതാ വൈറലാകുന്നത് ഒരു പരിപാടിയിൽ പങ്കെടുക്കാനെത്തിയ ഇരുവരുടെയും വിഡിയോയാണ്.
നീല നിറത്തിലുള്ള മിനി ഡ്രസിൽ സിമ്പിൾ ലുക്കിലാണ് ജനീലിയ ഒരുങ്ങിയത്. വെള്ള നിറത്തിലുള്ള ഷർട്ടും പാന്റുമാണ് റിതേഷ് ധരിച്ചത്. മുംബൈയിലെ ഫാഷൻ സ്റ്റോർ ലോഞ്ചിനെത്തിയതാണ് താരങ്ങൾ. പരിപാടിയിൽ നിന്നുള്ള ചിത്രങ്ങൾ വൈറലായതോടെ ജനീലിയ വീണ്ടും ഗർഭിണിയാണെന്ന അഭ്യൂഹങ്ങളും ഉയർന്നിട്ടുണ്ട്.
ഇരുവരുടെയും വിഡിയോയിൽ ജനീലിയയെ റിതേഷ് ഒരുപാട് കെയർ ചെയ്യുന്നുണ്ടെന്നാണ് ആരാധകർ കണ്ടെത്തിയത്. കൂടാതെ ചിത്രങ്ങൾക്ക് പോസ് ചെയ്യുമ്പോൾ ജനീലിയ വയറിൽ കെെ വെക്കുന്നുണ്ടെന്നും വയർ തള്ളി നിൽക്കുന്നുണ്ടെന്നുമെല്ലാമാണ് ആരാധകർ പറയുന്നത്. ഇതോടെയാണ് താരം മൂന്നാമതും ഗർഭിണിയാണെന്ന തരത്തിലുള്ള വാർത്തകൾ പരന്നത്. എന്നാൽ ജനീലിയയും റിതേഷും ഇതുവരെ വാർത്തയോട് പ്രതികരിച്ചിട്ടില്ല. ഇരുവർക്കും രണ്ട് ആൺകുട്ടികളാണുള്ളത്. 2014ലാണ് മൂത്തമകൻ റിയാൻ ജനിച്ചത്. 2016ലാണ് രണ്ടാമത്തെ മകൻ റഹിൽ ജനിച്ചത്.
Comments