‘ എന്തിനാ ഇത്ര വില കൊടുത്ത് ഓരോ വാച്ചുകൾ വാങ്ങുന്നത് എല്ലാം ഒരു സമയം തന്നെയല്ലേ കാണിക്കുന്നത്’? ഈ ചോദ്യങ്ങൾ സ്ഥിരമായി കേൾക്കുന്നവരായിരിക്കും നമ്മിൽ ബഹു ഭൂരിപക്ഷവും. എന്നാൽ അത്തരം ചോദ്യങ്ങളെ അപ്രസക്തമാക്കിയാണ് സ്മാർട്ട് വാച്ചുകൾ വിപണിയിലേക്ക് പ്രവേശിച്ചത്. ഫോൺ കോളുകൾ, മെസ്സേജുകൾ എന്തിനേറെ പറയുന്നു നമ്മുടെ ചെറിയ ഹൃദയമിടിപ്പ് പോലും അറിയാൻ സാധിക്കുന്ന സ്മാർട്ട് വാച്ചുകൾക്കുള്ള ജനപ്രീതി വളരെ വലുതാണ്. മികച്ച ഡിസൈനുകളും സവിശേഷതകളും തരുന്ന ബോട്ട് വാച്ചുകൾക്ക് ആവശ്യക്കാർ ഏറെയാണ്. പുത്തൻ ബോട്ട്സ്മാർട്ട് വാച്ചുകൾ സ്വന്തമാക്കാൻ ആഗ്രഹിക്കുന്നവർക്ക് മികച്ച വിലക്കിഴിവാണ് കമ്പനി നൽകിയിരിക്കുന്നത്. അറിയാം കൂടുതൽ വിശേഷങ്ങൾ..
ബോട്ട് ബ്ലേസ് സ്മാർട്ട് വാച്ച്
കുറഞ്ഞ വിലയിൽ മികച്ച സവിശേഷതകളോടെ പുറത്തിറങ്ങിയ ബോട്ട് ബ്ലേസ് സ്മാർട്ട് വാച്ചുകളിൽ മ്യൂസിക് കൺട്രോൾ, ക്യാമറ കൺട്രോൾ, ഫൈൻഡ് മൈ ഫോൺ തുടങ്ങിയ മികച്ച ഫീച്ചറുകളാണുള്ളത്. 1.75 ഇഞ്ച് എച്ച്ഡി ഡിസ്പ്ലേയും അപ്പോളോ 3 ബ്ലൂ പ്ലസ് പ്രൊസസ്സറുമാണ് ഇതിലുള്ളത്. ഒരു പ്രവശ്യം ഫുൾ ചാർജ് ചെയ്താൽ 10 ദിവസത്തോളം ഉപയോഗിക്കാനും സാധിക്കുമെന്നാണ് കമ്പനിയുടെ വാദം. മറ്റു സ്മാട്ട് വാച്ചുകളെ പോലെ ഇതിലും ഹൃദയമിടിപ്പ് രക്തസമ്മർദ്ദം തുടങ്ങിയവയും നിരീക്ഷിക്കാൻ സാധിക്കും. 14 സ്പോർട്സ് മോഡുകളുളള സ്മാർട്ട് വാച്ചിൽ ഡസ്റ്റ്, സ്പ്ലാഷ്, സ്വെറ്റ് റെസിസ്റ്റൻസ് ഫീച്ചറുണ്ട്. ഇമെയിലുകളും സോഷ്യൽ മീഡിയ നോട്ടിഫിക്കേഷനുകളും അറിയാനാകും.
ബോട്ട് വേവ് പ്രോ 47 സ്മാർട്ട് വാച്ച്
1.69 ഇഞ്ച് എച്ച്ഡി ഡിസ്പ്ലേയോടു കൂടി വരുന്ന ഈ സ്മാർട്ട് വാച്ചിൽ ആകർഷകമായ ഫീച്ചറുകളാണ് കമ്പനി ഉൾപ്പെടുത്തിയിരിക്കുന്നത്. ഫാസ്റ്റ് ചാർജിംഗ് കണക്ടിവിറ്റിയാണിതിൽ നൽകിയിരിക്കുന്നത്. ഇതിനുപുറമെ 15 സ്പോർട്ടസ് മോഡുള്ള വാച്ചിൽ ഡസ്റ്റ്, സ്പ്ലാഷ്, സ്വെറ്റ് റെസിസ്റ്റൻസ് ഫീച്ചറുകളും മ്യൂസിക്, ക്യാമറ കൺട്രോൾ ഫീച്ചറുകളുമുണ്ട്. കോളുകളും മെസ്സേജുകളും സോഷ്യൽ മീഡിയ നോട്ടിഫിക്കേഷനുകളും ഇതിൽ കാണാൻ സാധിക്കും. ലൈവ് ക്രിക്കറ്റ് സ്കോർ അറിയാൻ സാധിക്കുന്ന ഒരു സ്മാർട്ട് വാച്ചാണ് ബോട്ട് വേവ് പ്രോ 47 സ്മാർട്ട് വാച്ച്.
ബോട്ട് എക്സ്ടെൻഡ് സ്മാർട്ട് വാച്ച്
ബോട്ടിന്റെ മികച്ച സ്മാർട്ട് വാച്ചുകളിലൊന്നാണിത്. മുകളിൽ സൂചിപ്പിച്ച സ്മാർട്ട് വാച്ചുകൾക്ക് സമാനമായി 1.69 ഇഞ്ച് ഡിസ്പ്ലേ തന്നെയാണ് ഇതിലും വരുന്നത്. കൂടാതെ സ്ലിപ്പ് മോണിറ്ററിംഗ് സംവിധാനവും ഇതിലുണ്ട്. 14 സ്പോർട്സ് മോഡുകളുളള വാച്ചിൽ സ്പ്ലാഷ്, സ്വെറ്റ് റെസിസ്റ്റൻസ് ഫീച്ചറുകളുമുണ്ട്. ഫോണിലെ കോളുകളും മെസ്സേജുകളും മറ്റ് നോട്ടിഫിക്കേഷനുകളും രക്ത സമ്മർദ്ദവും, ഹൃദയമിടിപ്പുമൊക്കെ വാച്ചിലൂടെ മനസിലാക്കാൻ സാധിക്കും.
Comments