ഏഷ്യാകപ്പിന് വരുമ്പോൾ ഏകദിന റാങ്കിംഗിൽ ഒന്നാം സ്ഥാനത്തുണ്ടായിരുന്ന പാകിസ്താൻ മടങ്ങുന്നത് മൂന്നാം സ്ഥാനക്കാരായി. പാകിസ്താനെ മറികടന്ന് ഇന്ത്യ രണ്ടാം സ്ഥാനത്തേക്ക് കയറി. ഏഷ്യാ കപ്പിൽ ഇന്ത്യയോടും ശ്രീലങ്കയോടും നേരിട്ട വമ്പൻ തോൽവികളാണ് തിരിച്ചടിയായത്.
118 പോയിന്റുമായി ഓസ്ട്രേലിയാണ് ഒന്നാം സ്ഥാനത്ത്. 116 പോയിന്റുള്ള ഇന്ത്യ രണ്ടാം സ്ഥാനത്ത് എത്തി. ഏഷ്യാ കപ്പ് തുടങ്ങുമ്പോൾ പാകിസ്താൻ ആയിരുന്നു ലോക റാങ്കിംഗിൽ ഒന്നാമത്.ഇപ്പോൾ മൂന്നാം സ്ഥാനത്തും.
ഓസ്ട്രേലിയ ദക്ഷിണാഫ്രിക്കയ്ക്ക് എതിരെ അവസാന രണ്ട് മത്സരങ്ങൾ പരാജയപ്പെടുകയും ഇന്ത്യ ഏഷ്യാ കപ്പ് ഫൈനൽ ജയിക്കുകയും ചെയ്താൽ ഇന്ത്യ റാങ്കിംഗിൽ ഒന്നാമത് എത്തും. ഇന്ത്യയും ഓസ്ട്രേലിയയും തമ്മിൽ ഒരു പരമ്പരയും വരാനുണ്ട്.
മിച്ചൽ മാർഷ് നയിക്കുന്ന ഓസ്ട്രേലിയൻ ടീം ദക്ഷിണാഫ്രിക്കയ്ക്കെതിരെയുള്ള
പരമ്പരയിൽ 2-1 ന് മുന്നിലാണ്. പാകിസ്താനെതിരെയുള്ള വിജയത്തോടെ 93 പോയിന്റുമായി ശ്രീലങ്ക ഏഴാം സ്ഥാനത്തേക്ക് കയറി. ഇംഗ്ലണ്ട നാലാമതും ന്യൂസിലാൻഡ് അഞ്ചാം സ്ഥാനത്തുമാണ്.
