തിയേറ്ററുകളിൽ മികച്ച പ്രേക്ഷക പ്രതികരണം നേടി മുന്നറുകയാണ് ധ്യാൻ ശ്രീനിവാസൻ മുഖ്യ വേഷത്തിലെത്തിയ നദികളിൽ സുന്ദരി യമുന എന്ന ചിത്രം. നവാഗതരായ വിജേഷ് പാണത്തൂർ, ഉണ്ണി വെള്ളാറ എന്നിവർ ചേർന്നാണ് ചിത്രം തിരക്കഥയെഴുതി സംവിധാനം ചെയ്തത്. ചിത്രം മികച്ച രീതിയിൽ പ്രദർശനം തുടരുന്ന വേളയിൽ സന്തോഷം പ്രകടിപ്പിച്ചുകൊണ്ട് ധ്യാൻ ശ്രീനിവാസൻ പോസ്റ്റ് ചെയ്ത കുറിപ്പാണ് ഇപ്പോൾ ശ്രദ്ധ നേടുന്നത്.
‘ഒടുക്കം ഒരെണ്ണം ഓടുന്നുണ്ട്. ബോംബ് നിർവീര്യമായി’ എന്നാണ് നദികളിൽ സുന്ദരി യമുനയേക്കുറിച്ച് ധ്യാൻ രസകരമായി എഴുതിയത്. താരത്തിന്റെ സെൽഫ് ട്രോളിന് മികച്ച രീതിയിൽ നിരവധി പ്രതികരണങ്ങളാണ് ലഭിക്കുന്നത്. തുറന്ന് പറയാനുള്ള ആർജവം അത് ധ്യാനിന്റെ മാത്രം പ്ലസ് പോയിന്റ് ആണെന്നായിരുന്നു ഒരു കമന്റ്. ധ്യാൻ ധ്യാനത്തിൽ നിന്ന് ഉണർന്നെന്നും വിജയപാതയിൽ തിരിച്ചെത്തിയെന്നുമെല്ലാം നിരവധി കമന്റുകളാണ് ഉള്ളത്.
കണ്ണൂരിലെ നാട്ടിൻപുറങ്ങളാണ് ചിത്രത്തിന്റെ പശ്ചാത്തലം. ഇവിടുത്തെ സാധാരണക്കാരായ മനുഷ്യർ, അവർക്കിടയിലെ കണ്ണൻ, വിദ്യാധരൻ എന്നീ രണ്ട് യുവാക്കളുടെ കഥയാണ് ചിത്രം പറയുന്നത്. കണ്ണനെ ധ്യാൻ ശ്രീനിവാസനും വിദ്യാധരനെ അജു വർഗീസും അവതരിപ്പിക്കുന്നത്. സുധീഷ്, കലാഭവന് ഷാജോണ്, നിര്മ്മല് പാലാഴി, നവാസ് വള്ളിക്കുന്ന്, സോഹന് സിനുലാല്, രാജേഷ് അഴിക്കോടന്, കിരണ് രമേശ്, ഭാനു പയ്യന്നൂര്, ശരത് ലാല്, ദേവരാജ് കോഴിക്കോട്, അനീഷ്, ആതിര,ആമി, പാര്വ്വണ, ഉണ്ണിരാജ, വിസ്മയ ശശികുമാർ തുടങ്ങിയവരും ചിത്രത്തിൽ അണിനിരക്കുന്നുണ്ട്.
ഫൈസൽ അലി ഛായാഗ്രഹണം നിർവഹിക്കുന്നു. മനു മഞ്ജിത്ത്,ബി കെ ഹരിനാരായണന് എന്നിവരുടെ വരികള്ക്ക് അരുണ് മുരളീധരന് സംഗീതം പകരുന്നു. എഡിറ്റർ-രത്തിൻ രാധാകൃഷ്ണൻ, പ്രൊഡക്ഷന് കണ്ട്രോളര് – സജീവ് ചന്തിരൂര്,കല-അജയൻ മങ്ങാട്, മേക്കപ്പ് – ജയന് പൂങ്കുളം, കോസ്റ്റ്യും ഡിസൈന് – സുജിത് മട്ടന്നൂര്, ചീഫ് അസോസിയേറ്റ് ഡയറക്ടര് – പ്രിജിന് ജെസി, പ്രോജക്ട് ഡിസെെന് – അനിമാഷ്, വിജേഷ് വിശ്വം, ഫിനാന്സ് കണ്ട്രോളര് – അഞ്ജലി നമ്പ്യാര്, പ്രൊഡക്ഷന് മാനേജര് – മെഹമൂദ്, പ്രൊഡക്ഷന് എക്സിക്യൂട്ടീവ്സ് – പ്രസാദ് നമ്പ്യാങ്കാവ്, അനീഷ് നന്ദിപുലം, സ്റ്റിൽസ്-സന്തോഷ് പട്ടാമ്പി,പരസ്യക്കല- യെല്ലോടൂത്ത്,പി ആർ ഒ-എ എസ് ദിനേശ്.
