ഇന്ത്യ എട്ടാം ഏഷ്യാ കപ്പ് കിരീടം നേടിയതിന് ശേഷം നായകൻ രോഹിത് ശർമ്മ നടത്തിയ വാർത്താസമ്മേളനം ആരാധകർ പടക്കം പൊട്ടിച്ചതിനെ തുടർന്ന് നിർത്തിവച്ചു. ഇതിന് പിന്നാലെ രോഹിത് പറഞ്ഞ രസകരമായ ഒരു കമന്റ് സോഷ്യൽമീഡിയയിൽ ഹിറ്റായി. ഇതിന്റെ വിഡീയോ വൈറലായിട്ടുണ്ട്. ‘അരേ വേൾഡ് കപ്പ് ജീത്നെ കെ ബാദ് ഫോട്ടോ യേ സാബ്…'(നമ്മൾ ലോകകപ്പ് ഉയർത്തിയതിന് ശേഷം പടക്കം പൊട്ടിക്കാം) എന്നാണ് രോഹിത് ആരാധകരോട് പറഞ്ഞത്.
ഏകദിന ക്രിക്കറ്റ് ലോകകപ്പിൽ മുത്തമിടുന്നത് വരെ പടക്കം പൊട്ടിക്കാനായി ആരാധകർ കാത്തിരിക്കണമെന്നാണ് ഇന്ത്യൻ നായകൻ ആവശ്യപ്പെട്ടത്.ഏഷ്യാ കപ്പിലെ ഇന്ത്യയുടെ വിജയം ലോകകപ്പ് കിരീടത്തിൽ മുത്തമിടാനുളള ആത്മവിശ്വാസമാണ് നൽകുന്നത്.
Video pic.twitter.com/t7pcQGKEt8
— Shivani (@shivani_45D) September 17, 2023
“>
‘ഏഷ്യാകപ്പ് വിജയം ഞങ്ങൾക്ക് അത്മവിശ്വാസം നൽകുന്നു. ടൂർണമെന്റിൽ നിന്ന് ഞങ്ങൾ ഒരുപാട് കാര്യം പഠിച്ചു. അത് ലോകകപ്പിൽ ഞങ്ങൾക്ക് ഗുണം ചെയ്യും. അഞ്ച് വർഷത്തെ ഇടവേളയ്ക്ക് ശേഷമാണ് ഇന്ത്യ ഒരു പ്രധാനകിരീടം നേടുന്നത്’. – രോഹിത് പറഞ്ഞു.
