അതിവേഗ ഇന്റർനെറ്റ് ലഭ്യമാക്കുന്നതിനായി എയർ ഫൈബർ സേവനങ്ങളുമായ ജിയോ. ഇന്ന് മുതൽ രാജ്യത്തെ എട്ട് നഗരങ്ങളിലാണ് എയർ ഫൈബർ സേവനങ്ങൾ ലഭിക്കുക. 1.5 ജിഗാബൈറ്റ് വേഗത്തിൽ വീടുകളിൽ അതിവേഗ ഇന്റർനെറ്റ് എത്തിക്കുകയാണ് ജിയോ ഫൈബറിന്റെ ലക്ഷ്യം. ഹോം എന്റർടെയ്ൻമെന്റ്, സ്മാർട്ട് ഹോം സേവനങ്ങൾ, അതിവേഗ ബ്രോഡ്ബാൻഡ് എന്നിവയാകും ഈ നഗരങ്ങളിൽ ലഭ്യമാകുക. ആദ്യ ഘട്ടത്തിൽ അഹമ്മദാബാദ്, ബെംഗളൂരു, ചെന്നൈ, ഡൽഹി, ഹൈദരാബാദ്, കൊൽക്കത്ത, മുംബൈ, പുനെ എന്നിവിടങ്ങളിലാണ് ആദ്യ ഘട്ടത്തിൽ സേവനം ലഭ്യമാകുക.
ജിയോ എയർ ഫൈബർ വഴി 550-ലധികം ടിവി ചാനലുകൾ ഹൈ-ഡെഫനിഷനിൽ ലഭ്യമാകും. 16ഗൽ പരം ഒടിടി ആപ്പുകൾ ലഭിക്കും. ടിവി, ലാപ്ടോപ്പ്, മൊബൈൽ, ടാബ് ലെറ്റ് തുടങ്ങിയ എല്ലാ ഉപകരണങ്ങളിലും ഈ ആപ്പുകൾ ഉപയോഗിക്കാവുന്നതാണ്. വിദ്യാഭ്യാസത്തിനും വീട്ടിലിരുന്ന് ജോലി ചെയ്യുന്നതിനുമായുള്ള ക്ലൗഡ് പിസി, സുരക്ഷാ, നിരീക്ഷണ പരിഹാരങ്ങൾ കണ്ടെത്താനും ഇതുവഴി കഴിയും.
599 രൂപ മുതൽ 3,999 രൂപ വരെയുള്ള എയർ ഫൈബർ പ്ലാനുകൾ ലഭ്യമാകും. ജിയോ എയർ ഫൈബർ, ജിയോ എയർ ഫൈബർ മാക്സ് എന്നിങ്ങനെ രണ്ട്് പ്ലാനുകളിലാണ് സേവനം ലഭ്യമാവുക. ജിയോ എയർ ഫൈബർ പ്ലാനിൽ 30 എംബിപിഎസ് സ്പീഡിൽ അൺലിമിറ്റഡ് ഡാറ്റ 599 രൂപയ്ക്ക് ലഭ്യമാകും. കൂടാതെ 100 എംബിപിഎസ് സ്പീഡിൽ 899 രൂപയുടെയും 1199 രൂപയുടെയും പ്ലാനുകൾ ലഭ്യമാണ്. 1199 രൂപയുടെ പ്ലാനിൽ നെറ്ഫ്ലിസ്, ആമസോൺ പ്രൈം , ജിയോ സിനിമ പ്രീമിയം ഉൾപ്പെടെ 17 ഒ ടി ടി പ്ലാറ്റുഫോമുകൾ ലഭ്യമാകും.
വീടുകളിൽ ഇനി മിന്നൽ വേഗതയിൽ ഇന്റർനെറ്റ്എയർഫൈബറുമായി ജിയോ എത്തുന്നു; വിവരങ്ങൾ ഇതാ
ജിയോ എയർ ഫൈബർ മാക്സ് പ്ലാനിൽ 300, 500, 1000 എംബിപിഎസ് സ്പീഡുകളിൽ 1499, 2499, 3999 രൂപ നിരക്കുകളിൽ അൺലിമിറ്റഡ് ഡാറ്റ ലഭ്യമാകും. രണ്ടു പ്ലാനുകളിലും 550ലധികം ഡിജിറ്റൽ ചാനലുകൾ ലഭ്യമാകും. ഒപ്പം വിവിധ ഒടിടി സേവനങ്ങളും ലഭിക്കും. ആറ് മാസവും 12 മാസവും കാലാവധിയിൽ പ്ലാനുകൾ ലഭ്യമാകും.
ഇന്ത്യയിലുടനീളം 1.5 ദശലക്ഷം കിലോമീറ്ററിലധികം ഒപ്റ്റിക്കൽ ഫൈബർ ഇൻഫ്രാസ്ട്രക്ചർ വ്യാപിച്ച് കിടക്കുന്നുണ്ടെങ്കിലും ഉൾപ്രദേശങ്ങളിൽ ഒപ്റ്റിക്കൽ ഫൈബർ എത്തിക്കുന്നതിൽ സങ്കീർണതകളുണ്ടായിരുന്നു. എന്നാൽ ജിയോ എയർ ഫൈബർ എത്തുന്നതോടെ ഈ പ്രശ്നത്തിന് പരിഹാരമായി.
