ഇസ്ലാമാബാദ് : ഇന്ത്യ-കാനഡ വിഷയത്തിൽ വൈറലായി പാകിസ്താനികളുടെ പ്രതികരണം . ഇന്ത്യയുടെ സ്ഥാനത്ത് ഇന്ന് പാകിസ്താൻ ആയിരുന്നുവെങ്കിൽ, കാനഡ അതിനെതിരെ ഗുരുതരമായ ആരോപണങ്ങൾ ഉന്നയിക്കുകയാണെങ്കിൽ, ലോകമെമ്പാടുമുള്ള രാജ്യങ്ങൾ തങ്ങളെ മാറ്റിനിർത്തുമായിരുന്നുവെന്നാണ് പാകിസ്താനികളുടെ പ്രതികരണം .
പാകിസ്താൻ യൂട്യൂബറാണ് കാനഡ-ഇന്ത്യ തർക്കത്തിൽ പാകിസ്താനിലെ ജനങ്ങളോട് അഭിപ്രായം തേടിയത് . വൈറലായ വീഡിയോയിൽ, ഈ വിവാദത്തിൽ ആർക്കാണ് ഏറ്റവും കൂടുതൽ ബുദ്ധിമുട്ട് അനുഭവപ്പെടുകയെന്ന് യൂട്യൂബർ ചോദിക്കുന്നു. അതിൽ എല്ലാവരും കാനഡയുടെ പേരാണ് പറയുന്നത് . ഈ തർക്കത്തിൽ ഇന്ന് കാനഡ തനിച്ചാണെന്ന് തോന്നുന്നുവെന്ന് ഒരു പാകിസ്താൻ യുവാവ് പറയുന്നു. അമേരിക്ക, ബ്രിട്ടൻ, റഷ്യ തുടങ്ങി ലോകത്തെ ശക്തരായ രാജ്യങ്ങൾ ഇന്ത്യയ്‌ക്കൊപ്പം നിൽക്കുന്നു.
ഇന്ത്യയുടെ സ്ഥാനത്ത് പാകിസ്താൻ ആയിരുന്നെങ്കിൽ ലോകത്തെമ്പാടുമുള്ള രാജ്യങ്ങൾ ഇതുപോലെ പിന്തുണക്കുമായിരുന്നോ എന്നാണ് യൂട്യൂബറുടെ അടുത്ത ചോദ്യം . ഈ ചോദ്യത്തിന് മിക്ക പാകിസ്താനികളും ഒരിക്കലും ഇല്ല എന്നാണ് ഉത്തരം നൽകിയത് .
ഇന്ത്യയുടെ സ്ഥാനത്ത് പാകിസ്താൻ ആയിരുന്നെങ്കിൽ ഇന്ന് ഒരു മൂലയിൽ നിൽക്കുമായിരുന്നു. പാകിസ്താന്റെ അവസ്ഥയിൽ ലോകത്തെ ഒരു രാജ്യവും ഞങ്ങളെ പിന്തുണയ്‌ക്കുന്നില്ല. ഇന്ന് ലോകമെമ്പാടുമുള്ള രാജ്യങ്ങൾ ഇന്ത്യയുമായി ബന്ധം സ്ഥാപിക്കാൻ ഉത്സാഹം കാണിക്കുന്നതായി പാകിസ്താനികൾ പറയുന്നു. അമേരിക്കക്കാർ ഇന്ത്യയിൽ ബിസിനസ്സ് ചെയ്യുന്നു.
ലോകത്തിലെ ഏറ്റവും വലിയ സമ്പദ്‌വ്യവസ്ഥകളിലൊന്നാണ് ഇന്ത്യയുടെ സമ്പദ്‌വ്യവസ്ഥ. അത്തരമൊരു സാഹചര്യത്തിൽ എല്ലാവരും ഇന്ന് ഇന്ത്യയ്‌ക്കൊപ്പം നിൽക്കുന്നു. അതേ സമയം പാകിസ്താന്റെ അവസ്ഥ വളരെ മോശമാണെന്നും അവർ പറയുന്നു. തങ്ങൾക്ക് വിഷമം തോന്നുന്നു. നമ്മൾ ഇന്ന് ഇന്ത്യയിലായിരുന്നെങ്കിൽ ഈ അവസ്ഥ ഉണ്ടാകുമായിരുന്നില്ലെന്നും ചിലർ പറയുന്നു.
