നിരവധി ആരാധകരുള്ള താര ദമ്പതിമാരാണ് നയൻതാരയും വിഗ്നേഷ് ശിവനും. നീണ്ട നാളത്തെ പ്രണയത്തിനൊടുവിൽ കഴിഞ്ഞ വർഷമാണ് ഇരുവരും വിവാഹിതരായത്. ഉയിരെന്നും ഉലകമെന്നും വിളിക്കുന്ന ഇരട്ട കുട്ടികളാണ് ദമ്പതിമാർക്കുള്ളത്. മക്കളുടെ ഒന്നാം ജന്മദിനം ആഘോഷമാക്കിയ നയൻതാരയും വിഗ്നേഷും സോഷ്യൽ മീഡിയയിൽ ഇതിന്റെ ചിത്രങ്ങളും ആരാധകർക്കായി പങ്കുവെച്ചിട്ടുണ്ട്.
മലേഷ്യയിൽ മക്കളെ ചേർത്തുപിടിച്ച് നിൽക്കുന്ന ചിത്രങ്ങൾ വിഗ്നേഷ് ശിവനാണ് പോസ്റ്റ് ചെയ്തിരിക്കുന്നത്. ഒപ്പം ഉയിരിനും ഉലകിനും പിറന്നാൾ ആശംസകൾ നേർന്നുകൊണ്ടുള്ള കുറിപ്പുമുണ്ട്.
View this post on Instagram
“”എൻ മുഖം കൊണ്ട, എൻ ഉയിർ… എൻ ഗുണം കൊണ്ട, എൻ ഉലക്..’ ഈ വരികൾ കുറിക്കാൻ ഒരുപാട് നാളായി കാത്തിരിക്കുകയായിരുന്നു. എന്റെ പ്രിയപ്പെട്ട മക്കൾക്ക് ജന്മദിന ആശംസകൾ.. വാക്കുകൾ കൊണ്ട് വിശദീകരിക്കാൻ കഴിയുന്നതിലും അപ്പുറമാണ് അപ്പയ്ക്കും അമ്മയ്ക്കും നിങ്ങളോടുള്ള സ്നേഹം. ഈ ലോകത്തുള്ള എന്തിനേക്കാളും വലുതാണ് നിങ്ങൾ. ഞങ്ങളുടെ ജീവിതത്തിലേക്ക് കടന്നു വന്നതിനും ഞങ്ങളെ സന്തോഷിപ്പിക്കുന്നതിനും രണ്ടുപേർക്കും ഒരുപാട് നന്ദി. ഞങ്ങൾക്ക് എല്ലാ നന്മകളും അനുഗ്രഹങ്ങളും നിങ്ങൾ കൊണ്ടുവന്നു. ജീവിതകാലം മുഴുവൻ വിലമതിക്കുന്ന നിമിഷങ്ങളാണ് ഈ ഒരു വർഷക്കാലയളവിൽ നിങ്ങൾ ഞങ്ങൾക്ക് തന്നത്. നിങ്ങളാണ് ഞങ്ങളുടെ ലോകവും ഞങ്ങളുടെ ജീവിതവും”” വിഗ്നേഷ് കുറിച്ചു.
