പാകിസ്താനെ പഞ്ഞിക്കിട്ട ഹോക്കി ടീമിനായി ആര്‍പ്പുവിളിക്കുന്ന ഇന്ത്യന്‍ ക്രിക്കറ്റ് ടീം; മനസ് നിറയ്‌ക്കും മനോഹര കാഴ്ച; വൈറലായി വീഡിയോ

ഏഷ്യന്‍ ഗെയിംസ് ഹോക്കിയില്‍ പാകിസ്താനെ രണ്ടിനെതിരെ 10 ഗോളുകള്‍ക്ക് തകര്‍ത്താണ് ഇന്ത്യന്‍ യുവത്വം കരുത്ത് കാട്ടിയത്. ചിരവൈരികള്‍ക്കെതിരെ നേടുന്ന ഏറ്റവും വലിയ വിജയം കൂടിയായിരുന്നു ഇത്. ഇപ്പോള്‍ ഇന്ത്യയുടെ ഒരോ നീക്കങ്ങള്‍ക്കും ആര്‍പ്പു വിളിക്കുന്ന ഇന്ത്യയുടെ ക്രിക്കറ്റ് താരങ്ങളുടെ വീഡിയോയാണ് സോഷ്യല്‍ മീഡിയയുടെ ശ്രദ്ധയാകര്‍ഷിക്കുന്നത്. ഒരുമയുടെ ഉദാഹരണമെന്നാണ് വിശേഷണം.

ഏഷ്യന്‍ ഗെയിംസ് ക്രിക്കറ്റിനായി ചൈനയിലെത്തിയ ഋതുരാജ് ഗെയ്ക്‌വാദ്, റിങ്കു സിംഗ്, യശസ്വി ജയ്‌സ്വാള്‍, രാഹുല്‍ ത്രിപാഠി തുടങ്ങിയവരാണ് ഇന്ത്യന്‍ ഹോക്കി ടീമിനായി സ്‌റ്റേഡിയത്തില്‍ ആരവം ഉയര്‍ത്തിയത്. ഇതിന്റെ വീഡിയോയാണ് സോഷ്യല്‍ മീഡിയയില്‍ വൈറലായത്. ‘ഹോക്കി ഇന്ത്യ’ തങ്ങളുടെ ഔദ്യോഗിക ഇന്‍സ്റ്റഗ്രാം അക്കൗണ്ടിലൂടെ ചിത്രങ്ങളിലൂടെ പങ്കുവച്ചു.

ക്യാപ്റ്റന്‍ ഹര്‍മന്‍പ്രീത് സിംഗ് നാലു ഗോളുമായി മുന്നില്‍ നിന്ന് പട നയിച്ചപ്പോള്‍ പാകിസ്താന് മറുപടിയുണ്ടായിരുന്നില്ല.വരുണ്‍ കുമാര്‍ രണ്ട് ഗോളും മന്‍ദീപ് സിംഗ്, സുമിത്, ഷംസേര്‍ സിംഗ്, ലളിത് കുമാര്‍ ഉപാധ്യായ് എന്നിവര്‍ ഓരോ ഗോളും നേടി. മുഹമ്മദ് ഖാന്‍, അബ്ദുള്‍ റാണ എന്നിവരുടെ വകയായിരുന്നു പാകിസ്താന്റെ ആശ്വാസ ഗോളുകള്‍.

The beauty of the @19thAGofficial
The @BCCI cricketers were there to cheer for the @TheHockeyIndia players as #India🇮🇳 took on #Pakistan🇵🇰
Surely they were not disappointed. We won 1️⃣0️⃣-2️⃣ 💪#WeAreIndia #AsianGames2023 #IndiaAtAsianGames #IndiaVsPakistan pic.twitter.com/AFlIH8DwiR

— Nilanjan Datta (@DattaNilanjan) September 30, 2023

“>