ലക്നൗ ; രാജ്യത്തെ ഏറ്റവും ജനപ്രീതിയുള്ള മുഖ്യമന്ത്രിമാരിൽ ഒരാളാണ് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. രാജ്യത്തെ പല സംസ്ഥാനങ്ങളിലും അദ്ദേഹത്തെ പോലൊരു മുഖ്യമന്ത്രി വേണമെന്ന ആവശ്യമുയരുന്നുണ്ട് . ഇപ്പോൾ രാജ്യത്ത് മാത്രമല്ല വിദേശ രാജ്യങ്ങളിലും അദ്ദേഹത്തിന്റെ പേര് ചർച്ചയാകുകയാണ്. ബ്രിട്ടീഷ് പാർലമെന്റായ ഹൗസ് ഓഫ് കോമണിലും മുഖ്യമന്ത്രി യോഗിയാണ് ഇപ്പോൾ ചർച്ചാ വിഷയം . ബ്രിട്ടീഷ് എംപി വീരേന്ദ്ര ശർമ്മയാണ് യോഗി ആദിത്യനാഥിന്റെ പ്രവർത്തനത്തെ പ്രശംസിച്ച് രംഗത്തെത്തിയത് .
യുപിയെക്കുറിച്ചുള്ള ആളുകളുടെ മനസ്സിലെ മാറിയ ധാരണയ്‌ക്കും യോഗിയുടെ പ്രവർത്തനത്തിനും അഭിനന്ദനങ്ങൾ – എന്നാണ് മുഖ്യമന്ത്രി യോഗിക്ക് അയച്ച കത്തിൽ വീരേന്ദ്ര ശർമ്മ എഴുതിയത് . “ബഹുമാനപ്പെട്ട യോഗി ആദിത്യനാഥ്, യുപിയിൽ മികച്ച വിജയം നേടുന്നതിനും സംസ്ഥാനത്ത് സമാധാനം കൊണ്ടുവന്നതിനും നിങ്ങളെ അഭിനന്ദിക്കാൻ ഞാൻ ആഗ്രഹിക്കുന്നു.“ അദ്ദേഹം കുറിച്ചു.
മുഖ്യമന്ത്രി യോഗിയെ കുറിച്ച് എഴുതിയ ‘അജയ് ടു യോഗി ആദിത്യനാഥ്’ എന്ന ഗ്രാഫിക് നോവലും ജീവചരിത്രവും എഴുത്തുകാരൻ ശന്തനു ഗുപ്ത ബ്രിട്ടീഷ് പാർലമെന്റിൽ അവതരിപ്പിച്ചിരുന്നു . ഈ പുസ്തകങ്ങളിലൊന്ന് അദ്ദേഹം എംപി വീരേന്ദ്ര ശർമ്മയ്‌ക്കും സമ്മാനിച്ചു. ഈ പുസ്തകത്തിന്റെ ഓരോ പകർപ്പിലും ഒരു പോസ്റ്റ്കാർഡ് അടങ്ങിയിട്ടുണ്ട്, അതിൽ ഒരു സന്ദേശം എഴുതാനും അയയ്‌ക്കാനും കഴിയും. യുപിയുടെ വികസനത്തിന് മുഖ്യമന്ത്രി യോഗിയെ പ്രശംസിച്ചും നന്ദി പറഞ്ഞും ബ്രിട്ടീഷ് എംപി ഈ പോസ്റ്റ്കാർഡിലാണ് സന്ദേശം അയച്ചത്.
