എറണാകുളം: സന്തോഷ് ട്രോഫി പ്രാഥമിക റൗണ്ട് മത്സരങ്ങള്‍ക്കുള്ള കേരള ടീമിനെ പ്രഖ്യാപിച്ചു. ഏറെ പുതുമുഖങ്ങളാണ് ടീമില്‍ ഇടംപിടിച്ചത്. സതീവന്‍ ബാലന്‍, അസീസ്, ഹര്‍ഷല്‍ റഹ്മാന്‍ എന്നിവര്‍ പരിശീലകരും ഡോ. സുധീര്‍ കുമാര്‍ ടീം മാനേജറുമാണ്.
ഒക്ടോബര്‍ 9 മുതല്‍ ഗോവയിലാണ് സന്തോഷ് ട്രോഫി ടൂര്‍ണമെന്റ് നടക്കുന്നത്. ടീം നായകന്‍, ഉപനായകന്‍ എന്നിവരെ ആറാം തീയതിയാണ് ഔദ്യോഗികമായി പ്രഖ്യാപിക്കുക. നിജോ ഗില്‍ബര്‍ട്ട് നായകനും സഞ്ജു ഉപനായകനും ആയേക്കും. ഓക്ടോബര്‍ 11ന് ആദ്യ മത്സരത്തില്‍ കേരളം ഗുജറാത്തിനെ നേരിടും. ജമ്മു കാശ്മീര്‍, ഛത്തീഗഡ്,ഗോവ എന്നിവരടക്കമുള്ള ഗ്രൂപ്പിലാണ് കേരളം.
ടീം:
ഗോള്‍കീപ്പര്‍മാര്‍
അസ്ഹര്‍, സിദ്ധാര്‍ത്ഥ്, നിഷാദ്
പ്രതിരോധനിര
ഷിനു, സഞ്ജു, സലീം, നിതിന്‍ മധു, ശരത്, സുജിത്, ബെല്‍ജിത്ത്
മദ്ധ്യനിര
റിസ്വാന്‍, നിജോ, അര്‍ജുന്‍, ജിതിന്‍, ബിജേഷ്, അക്ബര്‍, റഹീം, റാഷിദ്
മുന്നേറ്റനിര
സജീഷ്, ആഷ്ഖ്, നരേഷ്, ജുനൈദ്
