യൂത്ത് സ്റ്റാർ രാംചരണിന്റെ വിശേഷങ്ങൾ വളരെപെട്ടന്നാണ് സമൂഹ മാദ്ധ്യമങ്ങളിൽ വൈറാലാകുന്നത്. ചലച്ചിത്ര ലോകത്തെ തിരക്കുകൾ മാറ്റിവെച്ച് ക്ഷേത്ര ദർശനത്തിനെത്തിയ താരത്തിന്റെ വാർത്തകളാണ് ഇപ്പോൾ സമൂഹമാദ്ധ്യമങ്ങൾ ഏറ്റെടുത്തിരിക്കുന്നത്.
കറുപ്പണിഞ്ഞ് സിദ്ധിവിനായക ക്ഷേത്രത്തിൽ ദർശനം നടത്തിയ ചിത്രങ്ങളാണ് ഇപ്പോൾ സമൂഹ മാദ്ധ്യമങ്ങളിൽ തരംഗം സൃഷ്ടിക്കുന്നത്. ശിവസേനാ നേതാവ് രാഹുൽ കനാലിനോടൊപ്പമാണ് താരം വിനായകനെ ദർശിക്കാനെത്തിയത്. ഗണപതിയെ കണ്ട് വണങ്ങിയ ശേഷം അദ്ദേഹം 41 ദിവസത്തെ അയ്യപ്പ ദീക്ഷ നിർത്തുകയും ചെയ്തു. തുടർന്ന് അർച്ചനകളും അഭിഷേകവും നടത്തിയാണ് രാംചരൺ ക്ഷേത്രത്തിൽ നിന്നും മടങ്ങിയത്.
ക്ഷേത്രത്തിൽ നിന്നും പുറത്തിറങ്ങിയ താരത്തെ കാണാൻ നിരവധി ആരാധകരാണ് കാത്തുനിന്നത്. സമൂഹമാദ്ധ്യമത്തിൽ പങ്കുവെച്ച ഇതിന്റെ ദൃശ്യങ്ങൾ നിമിഷനേരം കൊണ്ടാണ് വൈറലായിരിക്കുന്നത്.
