ഇനി മുതൽ പരസ്യങ്ങളില്ലാതെ ഫെയ്സ്ബുക്കും ഇൻസ്റ്റഗ്രാമും ഉപയോഗിക്കാം. ഇതിനുവേണ്ടി മെറ്റ പ്രതിമാസ ഫീസ് നിർദ്ദേശിച്ചതായി റിപ്പോർട്ട്.
റിപ്പോർട്ട് പ്രകാരം യൂറോപ്പിലെ ഉപയോക്താക്കൾ പരസ്യ രഹിത എക്സ്പീരീയൻസിനായി ഏകദേശം $14 (ഏകദേശം 1,165 രൂപ) നല്കേണ്ടി വരും. എന്നാൽ ഇന്ത്യയിൽ ഇത് അവതരിപ്പിക്കുന്നതിനെക്കുറിച്ചുള്ള സൂചനകളൊന്നും നിലവിലില്ല. യൂറോപ്പിൽ സബ്സ്ക്രിപ്ഷൻ ഫീസ് നടപ്പാക്കുന്നതിന് സ്വാകാര്യത ലഭിച്ചാൽ സമീപഭാവിയിൽ ഇന്ത്യയിലും സ്കീം നടപ്പിലാക്കിയേക്കും.
റിപ്പോർട്ടുകൾ പ്രകാരം ഡെസ്ക്ടോപ്പ് ഉപകരണങ്ങളിൽ പരസ്യങ്ങളില്ലാതെ ഫേസ്ബുക്ക് അല്ലെങ്കിൽ ഇൻസ്റ്റഗ്രാം ആക്സസ് ചെയ്യാൻ ആഗ്രഹിക്കുന്ന ഉപയോക്താക്കൾക്ക് പ്രതിമാസം 10.46 ഡോളർ (10 യൂറോ) ആയിരിക്കും സബ്സ്ക്രിപ്ഷൻ ഫീസ്. ഒന്നിൽ കൂടുതൽ അക്കൗണ്ടുകളുള്ള ഉപയോക്താക്കൾക്ക് ഒരു അക്കൗണ്ടിന് ഏകദേശം ആറ് യൂറോ എന്ന കണക്കിൽ അധിക നിരക്ക് നൽകേണ്ടി വരും. മൊബൈൽ ഉപകരണ ഉപയോക്താക്കളുടെ സബ്സ്ക്രിപ്ഷൻ നിരക്ക് പ്രതിമാസം ഏകദേശം 13 യൂറോ ആയി ഉയരും.
ആപ്പിളിന്റെയും ഗൂഗിളിന്റെയും ആപ്പ് സ്റ്റോറുകൾ ഇൻ-ആപ്പ് പേയ്മെന്റുകളിൽ ചുമത്തുന്ന കമ്മീഷനുകളുടെ ഈ വർദ്ധനക്ക് മെറ്റയുടെ ഈ നീക്കം കാരണമാകുമെന്നാണ് സൂചന. വരും മാസങ്ങളിൽ തന്നെ ഇത് അവതരിപ്പിക്കാനാണ് മെറ്റയുടെ തീരുമാനമെന്നാണ് റിപ്പോർട്ടുകൾ. ഈ സ്കീം ഉപയോക്താക്കൾക്ക് വ്യക്തിഗതമാക്കിയ പരസ്യങ്ങൾ ഉപയോഗിച്ച് ഫേസ്ബുക്ക്, ഇൻസ്റ്റഗ്രാം എന്നിവ ആക്സസ് ചെയ്യുന്നത് തുടരാനോ, അല്ലെങ്കിൽ സേവനത്തിനായി പണമടച്ച് പരസ്യരഹിത എക്സ്പീരിയൻസ് തിരഞ്ഞെടുക്കാനോ ഉള്ള ഓപ്ഷനുകളാണ് നൽകുന്നത്.
