നിരവധി ആരാധകരുള്ള താരദമ്പതിമാരാണ് നയൻതാരയും വിഗ്നേഷ് ശിവനും. നീണ്ട നാളത്തെ പ്രണയത്തിനൊടുവിൽ കഴിഞ്ഞ വർഷമാണ് ഇരുവരും വിവാഹിതരായത്. ഉയിരെന്നും ഉലകമെന്നും വിളിക്കുന്ന ഇരട്ട കുട്ടികളാണ് ദമ്പതിമാർക്കുള്ളത്. കുട്ടികൾ ജനിച്ച് ഒരു വർഷത്തോളം ഇരുവരും കുഞ്ഞുങ്ങളുടെ മുഖം സമൂഹ മാദ്ധ്യമങ്ങളിൽ കാണിച്ചിരുന്നില്ല. കഴിഞ്ഞ ദിവസമായിരുന്നു ഇരുവരുടെയും ഒന്നാം പിറന്നാൾ. പിറന്നാൾ ദിനത്തിലായിരുന്നു താരങ്ങൾ കുഞ്ഞുങ്ങളുടെ ചിത്രങ്ങൾ പങ്കുവെച്ചത്.
മക്കളുടെ ചിത്രം പങ്കുവെച്ചതിന് പിന്നാലെ നിരവധിപ്പേർ ഇരുവരുടെയും പെയിന്റിംഗുകൾ സമ്മാനിച്ചിരുന്നു. ഇക്കൂട്ടത്തിൽ ഒരു ആരാധിക വരച്ച ചിത്രം നയൻതാരയ്‌ക്കും വിഗ്നേഷ് ശിവനും നേരിട്ട് കൈമാറിയിരുന്നു. ഫാൻസ് പേജുകളിലടക്കം ഇതിന്റെ വീഡിയോ പ്രചരിക്കുകയാണ്. ബാലമുരുകൻമാരെ പോലെ ഉയിരിനെയും ഉലകിനെയും വരച്ചിരിക്കുന്ന പെയിൻിംഗ് ആണ് താരദമ്പതിരകൾക്ക് കൈമാറിയത്. ചിത്രം കണ്ട് സന്തോഷമടക്കാനാകാതെ നിൽക്കുന്ന നയൻതാരയേയും വീഡിയോയിൽ കാണാം.
View this post on Instagram
ബാലമുരുകൻമാരെ പോലെ സർവ്വാഭരണ വിഭൂഷിതരായി ഉയിരും ഉലകും. കൂടാതെ ഇരുവരുടെയും കൈകളിൽ ഓരോ മയിൽ കുഞ്ഞുങ്ങളും. ക്വാലാലംപൂരിലെ പ്രശസ്തമായ ബട്ടു ഗുഹ സന്ദർശന വേളയിലായിരുന്നു ആരാധിക ചിത്രം കൈമാറിയത്. മനോഹരമായ ചിത്രം സമ്മാനിച്ചതിന് നയൻതാര ആരാധികയ്‌ക്ക് നന്ദി അറിയിക്കുകയും ചെയ്തു. നേരത്തെ മക്കൾക്കൊപ്പമുളള നയൻതാരയുടെയും വിഗ്നേഷിന്റെയും മറ്റൊരു പെയിന്റിംഗ് ഒരു ആരാധകൻ സമ്മാനിച്ചിരുന്നു. ഇതിന്റെ ചിത്രവും സമൂഹ മാദ്ധ്യമങ്ങളിൽ ശ്രദ്ധ നേടിയിരുന്നു.
