ഇന്ത്യൻ ക്രിക്കറ്റിലെ കൂൾ ക്യാപ്റ്റൻ മഹേന്ദ്രസിംഗ് ധോണി കൂൾ ലുക്കിൽ എത്തിയതോടെ പുതിയ വിശേഷങ്ങളറിയാൻ ആരാധകവൃന്ദം കണ്ണിമവെട്ടാതെ കാത്തിരിക്കുകയാണ്. അതിനോടൊപ്പം യൂത്ത് സ്റ്റാർ രാംചരണിന്റെ വാർത്തകളും ഇപ്പോൾ സമൂഹമാദ്ധ്യമങ്ങളിൽ തരംഗമായിരിക്കുകയാണ്. ഇതിനിടയിലാണ് രണ്ട് ഇതിഹാസ നായകൻമാർ കണ്ടുമുട്ടിയിരിക്കുന്നത്. ധോണിയോടൊപ്പമുള്ള രാംചരണിന്റെ ചിത്രങ്ങളാണ് ഇപ്പോൾ ആരാധകർക്കിടയിൽ ചർച്ചാ വിഷയം.
രാം ചരണാണ് മഹിക്കൊപ്പമുള്ള ചിത്രങ്ങൾ ഇൻസ്റ്റഗ്രാമിൽ പങ്കുവെച്ചത്. ‘ഇന്ത്യയുടെ അഭിമാനമായ ധോണിയെ കാണാൻ സാധിച്ചതിൽ ഒരുപാട് സന്തോഷം’ എന്ന അടികുറിപ്പോടെയാണ് താരം ചിത്രങ്ങൾ പങ്കുവെച്ചത്. ഇരുവരുടെയും കൂടിക്കാഴ്ചയിൽ ആരാധകർക്കിടയിൽ നിരവധി ചർച്ചകളാണ് ഉയർന്നിരിക്കുന്നത്. ധോണിയെ ഇനി രാംചരണിനോടൊപ്പം സിനിമയിൽ കാണാൻ സാധിക്കുമോ എന്നു തുടങ്ങി നിരവധി കമന്റുകളാണ് ചിത്രത്തിനു ലഭിച്ചിരിക്കുന്നത്. അതേസമയം ഒരു പരസ്യ ചിത്രത്തിന്റെ ഷൂട്ടിംഗിനായിട്ടാണ് ഇരുവരും ഒരുമിച്ചെത്തിയിരിക്കുന്നതെന്നാണ് പുറത്തുവരുന്ന വിവരങ്ങൾ. കഴിഞ്ഞ ദിവസം മലയാളത്തിന്റെ സ്വന്തം ലാലേട്ടനും ധോണിയുമായുള്ള ചിത്രങ്ങളും പുറത്തു വന്നിട്ടുണ്ടായിരുന്നു.