ഹാങ്‌ചോ; ഏഷ്യന്‍ ഗെയിംസ് ക്രിക്കറ്റ് സെമിയില്‍ ബംഗ്ലാദേശിനെ നാണംകെടുത്തി ഇന്ത്യന്‍ ക്രിക്കറ്റ് ടീം. ബംഗ്ലാദേശ് ഉയര്‍ത്തിയ 97 റണ്‍സ് വിജയലക്ഷ്യം 9.2 ഓവറില്‍ ഒരു വിക്കറ്റ് മാത്രം നഷ്ടപ്പെടുത്തി ഇന്ത്യ മറികടന്നു.
കലാശ പോരില്‍ പാകിസ്താനോ അഫ്ഗാനോ ആകും ഇന്ത്യയുടെ എതിരാളികള്‍. രണ്ടാം ഇന്നിംഗ്‌സിന്റെ തുടക്കത്തില്‍ ജയ്‌സ്വാള്‍ പൂജ്യത്തിന് പുറത്തായെങ്കിലും കൂടുതല്‍ നഷ്ടങ്ങളില്ലാതെ ഇന്ത്യ വിജയലക്ഷ്യം കൈയെത്തി പിടിക്കുകയായിരുന്നു.
26 പന്തില്‍ നിന്ന് ആറ് സിക്‌സും രണ്ട് ഫോറുമടക്കം 55 റണ്‍സോടെ പുറത്താകാതെ നിന്ന തിലക് വര്‍മയാണ് വിജയത്തിന് ചുക്കാന്‍ പിടിച്ചത്. ക്യാപ്റ്റന്‍ ഋതുരാജ് ഗെയ്ക്വാദ് 26 പന്തില്‍ നിന്ന് മൂന്ന് സിക്‌സും നാല് ഫോറുമടക്കം 40 റണ്‍സോടെ പുറത്താകാതെ നിന്നു.
സായി കിഷോറാണ് മൂന്ന് വിക്കറ്റുമായി ബംഗ്ലാദേശിന്റെ തകര്‍ച്ചയ്‌ക്ക് ആക്കം കൂട്ടിതയത്. രണ്ടുവിക്കറ്റെടുത്ത വാഷിംഗ്ടണ്‍ സുന്ദറും ഒരോ വിക്കറ്റ് വീതമെടുത്ത രവി ബിഷ്‌ണോയിയും തിലക് വര്‍മ്മയും ഷഹ്ബാസ് അഹമ്മദ് അര്‍ഷ ദീപ് സിംഗ് എന്നിവര്‍ പാകിസ്താനെ ചുരുട്ടിക്കൂട്ടുകയായിരുന്നു.
