ത്രിവര്‍ണത്തില്‍ കുളിച്ച് അരുണ്‍ ജയ്റ്റ്‌ലി സ്റ്റേഡിയം; പുതിയ പിച്ചുകളും ഇരിപ്പിടവും..! മഴ പെയ്താല്‍ ഗ്രൗണ്ട് മുഴുവന്‍ മൂടാന്‍ സജ്ജീകരണം; മോഡി കൂട്ടിയ സ്റ്റേഡിയത്തില്‍ നാളെ ആദ്യ ലോക പോരാട്ടം

ന്യൂഡല്‍ഹി; ലോകകപ്പിന് മുന്നോടിയായ നവീകരണം പൂര്‍ത്തിയാക്കി ഡല്‍ഹി അരുണ്‍ ജയ്റ്റ്‌ലി സ്റ്റേഡിയം. അരുണ്‍ ജയ്റ്റ്‌ലിയുടെ മകന്‍ രോഹനാണ് നവീകരണത്തിന് ചുക്കാന്‍ പിടിച്ചത്. ലോകകപ്പിന്റെ മുന്നോടിയായി 50 കോടി രൂപ വീതം ബിസിസിഐ ഓരോ ലോകകപ്പ് വേദികള്‍ക്കും നല്‍കിയിരുന്നു. ദക്ഷിണാഫ്രിക്ക-ശ്രീലങ്ക പോരാട്ടത്തോടെയാണ് ഡല്‍ഹിയിലെ മത്സരങ്ങള്‍ക്ക് തുടക്കമാകുക. പുതിയ രണ്ടു പിച്ചുകള്‍ കൂട്ടിച്ചേര്‍ക്കുകയും പഴയവ നവീകരിക്കുകയും ചെയ്തിട്ടുണ്ട്.

ബിസിസിഐ പ്രസിഡന്റ് ജയ് ഷാ നവീകരിച്ച സ്റ്റേഡിയത്തിന്റെ ഉദ്ഘാടനം നിര്‍വഹിക്കും. നവീകരണം പ്രതീക്ഷിച്ചതിലും നേരത്തെ പൂര്‍ത്തിയാക്കാനായത് വലിയൊരു നേട്ടമാണെന്നും ഗ്രൗണ്ട് സ്റ്റാഫിന്റെ സമര്‍ണം കാരണമാണ് ഇതിന് സാധ്യമായതെന്നും ഡിഡിസിഎ പ്രസിഡന്റ് രോഹന്‍ ജയ്റ്റ്ലി പറഞ്ഞു.

ഡ്രസ്സിംഗ് റൂമുകളും വാഷ് റൂമുകളും അടിമുടി പുതുക്കി പണിതു. എല്ലാ ഭാഗത്തും കുടിവെള്ളം ലഭിക്കുന്ന ഉപകരണങ്ങള്‍ സജ്ജമാക്കി. മഴപെയ്താല്‍ കളി മുടങ്ങാതിരിക്കാന്‍ ഗ്രൗണ്ട് മുഴുവന്‍ മൂടുന്ന കവറും ഇംഗ്ലണ്ടില്‍ നിന്നെത്തിച്ചു. ഡല്‍ഹി ആന്‍ഡ് ഡിസ്ട്രിക്റ്റ് ക്രിക്കറ്റ് അസോസിയേഷന്‍ (ഡിഡിസിഎ) ചീഫ് ക്യൂറേറ്റര്‍ അങ്കിത് ദത്തയുടെ നേതൃത്വത്തിലാണ് നവീകരണം പൂര്‍ത്തിയാക്കിയത്.ഔട്ട്ഫീല്‍ഡ് വിദേശ പിച്ചുകളോട് കിടപിടിക്കുന്ന രീതിയിലാണ് സജ്ജമാക്കിയിരിക്കുന്നത്. അടിസ്ഥാന സൗകര്യങ്ങള്‍ക്ക് ഊന്നല്‍ നല്‍കിയാണ് നവീകരണം പൂര്‍ത്തിയാക്കിയത്.

Arun Jaitley Stadium is looking so beautiful for the World Cup.

– Great work by DDCA…..!!!!! pic.twitter.com/9KNQ8drcld

— Johns. (@CricCrazyJohns) September 30, 2023

“>