ചടയമംഗലം: അന്താരാഷ്ട്ര യോഗ ദിനത്തോടനുബന്ധിച്ച് സേവാഭാരതി ചടയമംഗലം പഞ്ചായത്ത് സമിതിയും ജഡായു പാറ ടൂറിസവും സംയുക്തമായി യോഗ ദിനാചരണം സംഘടിപ്പിച്ചു.
സേവാഭാരതി പഞ്ചായത്ത് സമിതി പ്രസിഡന്റ് ശ്രീ രാജീവ് ജിയുടെ അധ്യക്ഷതയിൽ നടന്ന ചടങ്ങ് ശ്രീ എ. ജയകുമാർ (രാഷ്ട്രീയ സ്വയംസേവക സംഘം ക്ഷേത്രീയ വിശേഷ സമ്പർക്ക പ്രമുഖ) ഉദ്ഘാടനം ചെയ്തു.
ചടങ്ങിൽ ശ്രീ രാജീവ് അഞ്ചൽ (ജഡായു എർത്ത് സെന്റർ മാനേജിംഗ് ഡയറക്ടർ), ശ്രീ കെ. ടി. കൃഷ്ണകുമാർ (ഒലീവിയ ഗ്രൂപ്പ് എം.ഡി.) എന്നിവർ ആശംസ പ്രസംഗം നടത്തി.
യോഗ പരിശീലന ക്ലാസ് ഡോക്ടർ വിഷ്ണുരാജ് (അസി. പ്രൊഫസർ, അമൃത സ്കൂൾ ഓഫ് ആയുർവേദ) നയിച്ചു. ശരീര–മനസ്സ് ഏകീകരണം, ആരോഗ്യസംരക്ഷണം എന്നിവയെക്കുറിച്ച് അദ്ദേഹം വിശദീകരിച്ചു.
സേവാഭാരതി ചടയമംഗലം പഞ്ചായത്ത് സമിതി സെക്രട്ടറി ആർ. എസ്. ജയലാൽ സ്വാഗതം ആശംസിക്കുകയും ജോയിന്റ് സെക്രട്ടറി കൃഷ്ണകുമാർ വി നന്ദി രേഖപ്പെടുത്തുകയും ചെയ്തു.
പ്രകൃതിയോട് ചേർന്നുള്ള ജീവിതശൈലിയെ പ്രോത്സാഹിപ്പിക്കുന്ന യോഗയുടെ പ്രാധാന്യം സമൂഹത്തിൽ കൂടുതൽ വ്യാപിപ്പിക്കണമെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു.
