കണ്ണൂർ: ബൈക്ക് മോഷ്ടിച്ച് കടക്കുന്നതിനിടയിൽ എഐ ക്യാമറയിൽ കുടുങ്ങിയ യുവാവ് അറസ്റ്റിൽ. കാസർഗോഡ് സ്വദേശി ലബീഷാണ് പിടിയിലായത്. കണ്ണൂർ റെയിൽവേ സ്റ്റേഷന് സമീപത്ത് നിന്നാണ് ഇയാൾ ബൈക്ക് കവർന്നത്. ഹെൽമെറ്റ് ഇല്ലാതെ പോകുന്നതിന്റെ ചിത്രം എഐ ക്യാമറയിൽ പതിഞ്ഞതോടെയാണ് സംഭവം ശ്രദ്ധയിൽപ്പെട്ടത്. തുടർന്ന് ഇയാളെ അറസ്റ്റ് ചെയ്യുകയായിരുന്നു.
എഐ ക്യാമറയെ വഞ്ചിച്ച് കടന്ന് കളഞ്ഞ വീരനെ കഴിഞ്ഞ ദിവസം പോലീസ് പിടികൂടിയിരുന്നു. വാഹനത്തിന്റെ നമ്പർ തിരുത്തി പല തവണകളായി എഐ ക്യാമറയ്ക്ക് മുന്നിൽ നിയമലംഘനം നടത്തുകയായിരുന്നു. ആദ്യം ബൈക്കിന്റെ ഒരക്ഷരം മാറ്റിവച്ചാണ് ഇയാൾ എഐ ക്യാമറയുടെ മുന്നിൽ മനഃപൂർവം നിയമലംഘനം നടത്തിയത്. ഇത് പല തവണയായപ്പോഴാണ് ഉദ്യോഗസ്ഥർ ശ്രദ്ധിക്കുന്നത്.
