പരിശീലനത്തിനിടെ ഓൾറൗണ്ടർ ഹാർദിക് പാണ്ഡ്യക്ക് പരിക്കേറ്റതായി റിപ്പോർട്ടുകൾ. നൈറ്റ്സിൽ ബാറ്റിംഗ് പരിശീലനത്തിനിടെയാണ് താരത്തിന്റെ കൈക്ക് പരിക്കേറ്റത്. പരിക്കേറ്റ താരം പിന്നീട് പരിശീലനത്തിന് ഇറങ്ങിയിട്ടില്ല. പരിക്ക് ഗുരുതരമല്ലാത്തതിനാൽ ഹാർദിക് ഓസ്ട്രേലിയക്കെതിരായ മത്സരത്തിൽ കളത്തിലിറങ്ങുമെന്നും റെവ്സ്പോർട്സ് റിപ്പോർട്ട് ചെയ്യുന്നു.
കപിൽ ദേവിന് ശേഷം ഇന്ത്യയുടെ പെർഫെക്ട് ഓൾറൗണ്ടറായി പരിഗണിക്കപ്പെടുന്ന ഹാർദ്ദിക് പാണ്ഡ്യയ്ക്ക് ഈ ലോകകപ്പിൽ ഇന്ത്യൻ ടീമിൽ സുപ്രധാന പങ്കാണുള്ളത്. ലോകകപ്പിന് തൊട്ടുമുമ്പ് നടന്ന ഓസ്ട്രേലിയക്കെതിരായ പരമ്പരയിൽ നിന്ന് വിട്ടു നിന്ന പാണ്ഡ്യ മതിയായ വിശ്രമത്തിന് ശേഷമാണ് എത്തിയിരിക്കുന്നത്. ടീമിൽ എക്സ്ട്രാ സീമറുടെ സാന്നിധ്യം ഉറപ്പാക്കാനാകും. ഹാർദിക് ഫോമിലായാൽ ഇന്ത്യയ്ക്ക് കാര്യങ്ങൾ എളുപ്പമാകും.