പ്രൊ കബഡി ലീഗില് കോടിപതിയായി ഇന്ത്യന് കബഡി ക്യാപ്റ്റന് പവന് ഷെരാവത്ത്. ലീഗിന്റെ പത്താം സീസണിന് മുന്നോടിയായി മുംബൈയില് നടന്ന ലേലത്തില് 2.60 കോടി രൂപയ്ക്ക് തെലുങ്ക് ടൈറ്റന്സ് ആണ് താരത്തെ സ്വന്തമാക്കിയത്.
പുനേരി പള്ട്ടാന് 2.35 രൂപയ്ക്ക് വാങ്ങിയ ഇറാന് സൂപ്പര് താരം മൊഹമ്മദ് റേസ ഷാദ്ലൊയുടെ റെക്കോര്ഡാണ് തകര്ന്നത്.അതേസമയം പി.കെ.എല്ലിന്റെ എക്കാലത്തെയും ചെലവേറിയ വിദേശ കളിക്കാരനായി മൊഹമ്മദ് റേസ മാറി. 30 ലക്ഷം രൂപയായിരുന്നു ഷാദ്ലൊയുടെ അടിസ്ഥാന തുക.
മറ്റൊരു ഇറാനിയന് താരമായ ഫസല് അത്രാചലി 1.60 കോടി രൂപയ്ക്ക് ഗുജറാത്ത് ജയന്റ്സിലെത്തി. ഇന്ത്യന് താരം രോഹിത് ഗുലിയയെ 58.80 ലക്ഷം രൂപയ്ക്ക് ഇന്ന് ഗുജറാത്ത് ജയന്റ്സ് സ്വന്തമാക്കി. യു.പി യോദ്ധാസ് വിജയ് മാലിക്കിനെ 85 ലക്ഷത്തിന് സ്വന്തമാക്കി.മഞ്ജീത് ദാഹിയയെ പട്ന പൈറേറ്റ്സ് 92 ലക്ഷം രൂപയ്ക്കാണ് വാങ്ങിയത്്.
