സോഷ്യൽ മീഡിയയിൽ എല്ലാക്കാലത്തും ഹിറ്റാണ് ഒപ്റ്റിക്കൽ ഇല്യൂഷനുകൾ. ചുരുങ്ങിയ സമയം കൊണ്ട് നിർദ്ദിഷ്ട ടാസ്ക് പൂർത്തിയാക്കാൻ ആവശ്യപ്പെടുന്ന പല ഇല്യൂഷൻ ഇമേജുകളും ഇന്റർനെറ്റ് ലോകത്ത് വൈറലാകാറുണ്ട്. അത്തരമൊരു ചിത്രമാണ് വീണ്ടും കാഴ്ചക്കാരുടെ ശ്രദ്ധ പിടിച്ചുപറ്റിയിരിക്കുന്നത്.
ഒരു ആമ്പൽക്കുളമാണ് ചിത്രത്തിലുള്ളത്. ഈ ചിത്രത്തിൽ ഒരു തവള ഒളിഞ്ഞിരിക്കുന്നുണ്ടെന്നും എട്ട് സെക്കൻഡ് നേരത്തിനുള്ളിൽ കണ്ടെത്തണമെന്നുമുള്ളതാണ് ടാസ്ക്. വെല്ലുവിളി ഏറ്റെടുക്കുന്നവരിൽ 99 ശതമാനം പേരും പരാജയപ്പെട്ടതായും ചിത്രത്തിന് താഴെ നൽകിയിരിക്കുന്ന കുറിപ്പിൽ സൂചിപ്പിക്കുന്നു. നിരവധി പേരെ കുഴക്കിയ ഒപ്റ്റിക്കൽ ഇല്യൂഷൻ ചിത്രത്തിന്റെ ഉത്തരമിതാ..
ശക്തമായ നിരീക്ഷണപാടവമുള്ളവർക്ക് മാത്രമേ ഒളിഞ്ഞിരിക്കുന്ന പച്ച തവളയെ കണ്ടെത്താനാകൂവെന്നാണ് പറയപ്പെടുന്നത്. കണ്ണിന്റെ ദൃശ്യപരത അളക്കാൻ സഹായിക്കുന്ന പസിലുകളിൽ ഒന്നായി ഇത്തരം ഒപ്റ്റിക്കൽ ഇല്യൂഷനുകളെ വിലയിരുത്തുന്നു. മുകളിൽ നൽകിയിരിക്കുന്ന ചിത്രത്തിൽ പച്ച നിറത്തിൽ കാണുന്ന വസ്തുക്കൾ നിരവധിയുള്ളതിനാലാണ് തവളയിലേക്ക് ശ്രദ്ധ പോകാത്തതെന്നാണ് നിഗമനം.
