സിയാച്ചനിൽ ബിഎസ്എൻഎൽ സഹകരണത്തോടെ മെച്ചപ്പെട്ട ആശയവിനിമയ സൗകര്യത്തിനായി ബേസ് ട്രാൻസീവർ സ്റ്റേഷൻ സ്ഥാപിച്ച് ഇന്ത്യൻ സേന. ലോകത്തിലെ തന്നെ ഏറ്റവും ഉയർന്ന യുദ്ധഭൂമിയായ സിയാച്ചിനിൽ സ്സാപിക്കുന്ന ആദ്യ ബേസ് ട്രാൻസീവർ സ്റ്റേഷൻ ആണിത്. സമൂഹമാദ്ധ്യമത്തിലുടെയാണ് സേന ഇക്കാര്യം പങ്കുവെച്ചത്.
‘15500 അടി ഉയരത്തിലുള്ള എറ്റവും ഉയർന്ന യുദ്ധഭൂമിയാണ് സിയാച്ചിൻ. ഇവിടുത്തെ വിനിമയ സൗകര്യം മെച്ചപ്പെടുത്തുന്നതിനായി ഒക്ടോബർ ആറിന് ബിഎസ്എൻഎല്ലുമായി ചേർന്ന് ഇന്ത്യൻ ആർമി ബേസ് ട്രാൻസീവർ സ്റ്റേഷൻ സ്ഥാപിച്ചു.’ – ഫയർ ആൻഡ് ഫ്യൂറി കോർപ്സ് പറഞ്ഞു.
175-ൽ അധികം മൈനുകൾ പ്രവർത്തന രഹിതമാക്കിയതിനും സംരക്ഷണവേലി സ്ഥാപിച്ചതിനും പ്രദേശം മാലിന്യമുക്തമാക്കിയതിനും ലഡാക്ക് ജില്ലാ മജിസ്ട്രേറ്റ് സന്തോഷ് സുഖ്ദേവ് ഫയർ ആൻഡ് റസ്ക്യൂ കോർപ്സിനോട് നന്ദി അറിയിച്ചു.