യൂറോപ്യൻ നഗരങ്ങളിലേക്കുള്ള യാത്രക്കാർക്ക് പ്രത്യേക ഓഫറുമായി എയർ ഇന്ത്യ. ഇന്ത്യയിൽ നിന്ന് യുകെ ഉൾപ്പെടെയുള്ള യൂറോപ്പിലെ അഞ്ച് നഗരങ്ങളിലേക്കുള്ള തിരഞ്ഞെടുത്ത റൂട്ടുകളിലെ അന്താരാഷ്ട്ര യാത്രക്കാർക്കായാണ് പ്രത്യേക ഓഫർ അവതരിപ്പിച്ചത്. എയർ ഇന്ത്യ സ്പെഷ്യൽ സെയിലിന്റെ ഭാഗമാണ് ഇത്. 2023 ഡിസംബർ 15 വരെയുള്ള യാത്രക്കാർക്ക് ഒക്ടോബർ 14 വരെ സ്പെഷ്യൽ ഫെയറിൽ ഫ്ലൈറ്റുകൾ ബുക്ക് ചെയ്യാം ഔദ്യോഗിക പ്രസ്താവനയിലാണ് കമ്പനി ഇത് അറിയിച്ചത്.
നിലവിൽ, ഡൽഹിയിൽ നിന്നും മുംബൈയിൽ നിന്നും യൂറോപ്പിലെ ഈ അഞ്ച് നഗരങ്ങളിലേക്ക് എയർ ഇന്ത്യ എല്ലാ ആഴ്ചയും 48 നോൺ-സ്റ്റോപ്പ് ഫ്ലൈറ്റുകളാണ് നടത്തുന്നത്. കോപ്പൻഹേഗൻ, ഹീത്രൂ, മിലാൻ, പാരീസ്, വിയന്ന എന്നിവിടങ്ങളിലേക്കാണ് നോൺ-സ്റ്റോപ്പ് ഫ്ലൈറ്റുകളുള്ളത്. ടൂവേ ട്രിപ്പിന് 40,000-വും വൺ-വേ ട്രീപ്പിന് 25,000-വുമാണ് ചിലവ്.
എയർ ഇന്ത്യയുടെ വെബ്സൈറ്റ്, ഐഒഎസ്, ആൻഡ്രോയിഡ് മൊബൈൽ ആപ്പുകൾ ഉൾപ്പെടെ എല്ലാ ചാനലുകളിലും, അംഗീകൃത ട്രാവൽ ഏജന്റുമാർ വഴിയും ടിക്കറ്റുകൾ ബുക്ക് ചെയ്യാനാകും. ആദ്യം വരുന്നവർക്ക് ആദ്യം എന്ന അടിസ്ഥാനത്തിൽ സീറ്റുകൾ ലഭ്യമാണെന്നും എന്നാൽ സീറ്റുകൾ പരിമിതമാണെന്നും എയർലൈൻ അറിയിച്ചു. നിലവിൽ എയർ ഇന്ത്യ ടാറ്റ ഗ്രൂപ്പിന്റെ ഉടമസ്ഥതയിലാണുള്ളത്.
