ബുധനാഴ്ച നടന്ന ലോകകപ്പ് മത്സരത്തിൽ ഇന്ത്യ വിജയക്കൊടി പാറിച്ചതിന്റെ ദൃശ്യങ്ങളാണ് സമൂഹമാദ്ധ്യമങ്ങളിൽ നിറയെ. ഡൽഹിയിൽ നടന്ന മത്സരത്തിൽ ഇന്ത്യ എട്ട് വിക്കറ്റിന് അഫ്ഗാനിസ്ഥാനെ പരാജയപ്പെടുത്തുകയായിരുന്നു. ഇന്ത്യയെ സംബന്ധിച്ചടുത്തോളം ഇത് ഗംഭീര വിജയമായിരുന്നു.
വിജയത്തിന് പിന്നാലെ കാണികൾ ആരവങ്ങളിൽ മുഴുകുന്ന വീഡിയോകളാണ് സമൂഹമാദ്ധ്യമങ്ങളിൽ പ്രചരിക്കുന്നത്. അതിലൊന്നാണ് വന്ദേമാതരം ആലപിക്കുന്ന ആരാധകരുടെ വൈറൽ വീഡിയോ. അരുൺ ജെയ്റ്റ്ലി ക്രിക്കറ്റ് സ്റ്റേഡിയത്തിൽ സന്നിഹിതരായ കാണികളാണ് ഇന്ത്യ വിജയിച്ചതിന് പിന്നാലെ വന്ദേമാതരം ആലപിക്കുന്നത്.
മത്സരത്തിനൊടുവിൽ ഗാനം പ്ലേ ചെയ്യുകയായിരുന്നു. ദേശസ്നേഹികളെ വളരെ പെട്ടെന്ന് തന്നെ ഇത് പിടിച്ചു കുലുക്കുകയായിരുന്നു. സംഗീതം പ്ലേ ചെയ്യുമ്പോൾ കാണികൾ മൊബൈലിൽ ഫ്ളാഷ് ലൈറ്റുകൾ ഓൺ ആക്കുകയും ആരവം സൃഷ്ടിക്കുകയായിരുന്നു. വളരെ പെട്ടെന്ന് തന്നെ വീഡിയോ സമൂഹമാദ്ധ്യമങ്ങളിൽ വൈറലാകുകയായിരുന്നു.