ഇന്ത്യയും പാകിസ്താനും തമ്മിലുള്ള ഹൈവേള്ട്ടേജ് മത്സരം നടക്കാന് ഇനി മണിക്കൂറുകള് മാത്രമേ അവശേഷിക്കുന്നുള്ളു. ഇന്ത്യയിലെ ക്രിക്കറ്റ് ആരാധകര് വന് ആവേശത്തിലാണ് വിശ്വപോരാട്ടത്തിനായി കാത്തിരിക്കുന്നത്. ഇതിനിടെ വാര്ത്തകളില് നിറയുന്നത് ഒരു അമേരിക്കന് യുട്യൂബറാണ്.
ഫുട്ബോള് ഇതിഹാസം ക്രിസ്റ്റ്യാനോ റൊണാള്ഡോയുടെ ഏറ്റവും വലിയ ആരാധകനായ ഐഷോ സ്പീഡാണ് ആ താരം. ഇന്ത്യയെയും വിരാട് കോഹ്ലിയെയും പിന്തുണയ്ക്കാന് ഇന്ത്യയിലെത്തിയിട്ടുണ്ട്. സ്പീഡ് അഹമ്മദാബാദ് തെരുവുകളില് ഡാന്സ് ചെയ്തും ക്രിക്കറ്റ് കളിച്ചും ആരാധകരെ കൈയിലെടുക്കുകയാണ്. നരേന്ദ്ര മോദി സ്റ്റേഡിയത്തില് നടക്കുന്ന ഇന്ത്യ- പാക് മത്സരം കാണാന് സപീഡുമുണ്ടാകും.
യൂട്യൂബിലെ ഏറ്റവും വലിയ ലൈവ് സ്ട്രീമറുകളില് ഒരാളാണ് സ്പീഡ്. അഹമ്മദാബാദില് വിരാട് കോഹ്ലിയുടെ ജഴ്സി ധരിച്ചെത്തിയ സ്പീഡ് പങ്കുവച്ച ഒരു വീഡിയോയാണ് ഇപ്പോള് സോഷ്യല് മീഡിയയില് തരംഗം തീര്ക്കുന്നത്. ബാറ്റ് ചെയ്യുന്നതിനിടെ ഒന്നു രണ്ടു പന്തുകള് ബാറ്റില് കൊള്ളാതെ പോയപ്പോള്, താരം അലറി കൊണ്ട് താന് പാക് നായകന് ബാബര് അസമിനെ അനുകരിക്കുകയാണോ എന്നുമാണ് ചോദിക്കുന്നത്. ഇതുകേട്ട് കൂടി നില്ക്കുന്നവര് പൊട്ടിച്ചിരിക്കുന്നുമുണ്ട്. എന്തായാലും വീഡിയോ ട്രെന്ഡിംഗ് ലിസ്റ്റില് ഇടംപിടിച്ചിട്ടുണ്ട്. ലോക ടെസ്റ്റ് ചാമ്പ്യന്ഷിപ്പിലും സ്പീഡ് ടീം ഇന്ത്യയെ പിന്തുണച്ച് രംഗത്തെത്തിയിരുന്നു.
Speed after missing the ball – ” I’m playing like Babar Azam” 😭😭😭 pic.twitter.com/bM9TTYoc7Y
— Sohel. (@SohelVkf) October 12, 2023
“>