മധുര: ഇന്ത്യയുടെ ആദ്യത്തെ സൗര ദൗത്യമായ ആദിത്യ-എൽ1 ബഹിരാകാശ പേടകം ജനുവരി പകുതിയോടെ ലഗ്രാഞ്ച് പേയിന്റ് 1 – ൽ (എൽ 1) എത്തുമെന്ന് ഐഎസ്ആർഒ മേധാവി എസ് സോമനാഥ് പറഞ്ഞു.
‘ നിലവിൽ പേടകം നന്നായി പ്രവർത്തിക്കുന്നുണ്ട്. ഭൂമിയിൽ നിന്നും എൽ 1 പോയിന്റിൽ എത്താൻ 110 ദിവസമെടുക്കും. അതിനാൽ ജനുവരി പകുതിയോടെ ആദിത്യ എൽ 1 ലഗ്രാഞ്ച് പേയിന്റ് 1 ൽ എത്തും. അതിന് ശേഷം അതിനെ ലാഗ്രേജ് പോയിന്റിൽ നിന്നും ഭ്രമണപഥമായ ഹാലോ ഓർബിറ്റ്ലേക്ക് കടത്തിവിടും. ജനുവരിയോടെ ഇതും സാധ്യമാകും’ അദ്ദേഹം പറഞ്ഞു.
ചന്ദ്രയാൻ-3 ന്റെ വിജയകരമായ ദൗത്യത്തിന് ശേഷം സെപ്റ്റംബർ 2 നാണ് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്നും ഐഎസ്ആർഒ രാജ്യത്തിന്റെ ആദ്യ സൗര ദൗത്യമായ ആദിത്യ എൽ1 വിക്ഷേപിച്ചത്. സൂര്യനെ കുറിച്ചുള്ള കൂടുതൽ പഠനങ്ങൾ നടത്തുന്നതിന് വേണ്ടിയാണ് ഈ ദൗത്യം. ഏഴ് പേലോഡ്സ് ആണ് ആദിത്യ എൽ 1ൽ ഉൾപ്പെട്ടിട്ടുള്ളത്. ഇതിൽ നാലെണ്ണം സൂര്യനിൽ നിന്നുള്ള പ്രകാശത്തെ നിരീക്ഷിക്കും.
ഭൂമിയിൽ നിന്ന് 1.5 ദശലക്ഷം കിലോമീറ്റർ അകലെയുള്ള ലാൻഗ്രാൻജിയൻ പോയിന്റ് 1 ചുറ്റുമുള്ള ഹാലോ ഭ്രമണപഥത്തിൽ ആദിത്യ എൽ 1 നിലയുറപ്പിക്കും. ആദിത്യ എൽ 1 ഭൂമിയിൽ നിന്നും ഏകദേശം 1.5 ദശലക്ഷം കിലോമീറ്റർ ദൂരത്തിലാണ് നിലകൊള്ളുക. ആദിത്യ എൽ 1 സൂര്യന്റെ ബാഹ്യാന്തരീക്ഷത്തെ കുറിച്ച് പഠിക്കുമെന്നും പേടകം സൂര്യനിൽ ഇറങ്ങില്ലായെന്നും അദ്ദേഹം കൂട്ടിചേർത്തു.
