ആലപ്പുഴ: ഹരിപ്പാട് ഡിപ്പോയിൽ നിന്നുെം കെഎസ്ആർടിസി ഓർഡിനറി ബസുകൾ ഫാസ്റ്റ് പാസഞ്ചർ ബോർഡ് വെച്ച് സഞ്ചരിക്കുന്നതായി പരാതി. കഴിഞ്ഞ ദിവസം രാവിലെ 7.45-നുള്ള കോട്ടയം സർവീസും ഇത്തരത്തിൽ സർവീസ് നടത്തിയിരുന്നു. വേണാട് ബസായിരുന്നു ഇത്തരത്തിൽ സർവീസ് നടത്തിയത്. നിറം കണ്ട് ഓർഡിനറി ബസാണെന്ന ധാരണയിലായിരുന്നു യാത്രക്കാർ കയറിയത്. എന്നാൽ ടിക്കറ്റ് എടുത്തപ്പോഴാണ് ഫാസ്റ്റ് ആണെന്ന് അറിഞ്ഞത്.
ഓർഡിനറി ബസിലെ ടിക്കറ്റ് നിരക്ക് 10 രൂപയാണ്. ഫാസ്റ്റിൽ 16 രൂപയാണ് ഏറ്റവും കുറഞ്ഞ നിരക്ക്. ചെറിയ ദൂരത്തേക്ക് ബസിൽ കയറുന്നവർക്ക് ഇത് നഷ്ടമുണ്ടാക്കി. മുമ്പും സമാനരീതിയിൽ ബസ് മാറ്റി സർവീസ് നടത്തിയിട്ടുണ്ട്. ഫാസ്റ്റ് പാസഞ്ചർ ബസുകളുടെ എണ്ണത്തിൽ കുറവുണ്ടായ സാഹചര്യത്തിൽ കോട്ടയം സർവീസ് മുടക്കാതിരിക്കാനാണ് ഇങ്ങനെ ചെയ്തതെന്നാണ് കെഎസ്ആർടിസിയുടെ വാദം.
