റോം: ടെലിവിഷൻ ജേർണലിസ്റ്റായ ആൻഡ്രിയ ഗ്യാംബ്രുണോയുമായുള്ള ബന്ധം അവസാനിപ്പിച്ചതായി ഇറ്റാലിയൻ പ്രധാനമന്ത്രി ജോർജിയ മെലോണി. സോഷ്യൽ മീഡിയയിലൂടെയായിരുന്നു പ്രധാനമന്ത്രി ഇക്കാര്യം അറിയിച്ചത്. ടെലിവിഷൻ അവതരണത്തിനിടെ ഗ്യാംബ്രുണോ നടത്തിയ സെക്സിസ്റ്റ് പരാമർശം വിവാദമായതിന് പിന്നാലെയാണ് മെലോണിയുടെ പ്രതികരണം. കഴിഞ്ഞ പത്ത് വർഷമായി തുടർന്ന ബന്ധമാണ് ഇവിടെ അവസാനിപ്പിക്കുന്നതെന്ന് മെലോണി ഫേസ്ബുക്കിൽ കുറിച്ചു. ഇരുവർക്കും ഒരു മകളുണ്ട്. ”വേറിട്ട വഴികളിലൂടെയാണ് കഴിഞ്ഞ കുറേകാലമായി ഞങ്ങൾ ഇരുവരും സഞ്ചരിച്ചിരുന്നത്. അത് അംഗീകരിക്കേണ്ട സമയമായി.” എന്നായിരുന്നു മെലോണി ഫേസ്ബുക്കിൽ കുറിച്ചത്. എംഎഫ്ഇ മീഡിയാ ഗ്രൂപ്പിന്റെ ഭാഗമായ മീഡിയാസെറ്റിൽ ന്യൂസ് പ്രോഗ്രാം അവതാരകനായിരുന്നു ഗ്യാംബ്രുണോ.
La mia relazione con Andrea Giambruno, durata quasi dieci anni, finisce qui. Lo ringrazio per gli anni splendidi che abbiamo trascorso insieme, per le difficoltà che abbiamo attraversato, e per avermi regalato la cosa più importante della mia vita, che è nostra figlia Ginevra.… pic.twitter.com/1IpvfN8MgA
— Giorgia Meloni (@GiorgiaMeloni) October 20, 2023