എറണാകുളം: പെരുമ്പാവൂരിൽ ഇതര സംസ്ഥാന തൊഴിലാളിയുടെ പെൺകുട്ടിക്ക് നേരെ ലൈംഗികാതിക്രമം. ഇന്നലെ വൈകിട്ട് 5 മണിയോടെ വടക്കാട്ടുപടി പ്ലെവുഡ് ഫാക്ടറിയിലാണ് സംഭവം നടന്നത്. കുട്ടിയുടെ പിതാവിന്റെ പരാതി നൽകിയതിനെ തുടർന്ന് സംശയം തോന്നിയ രണ്ട് ഇതര സംസ്ഥാന തൊഴിലാളികളെ കസ്റ്റഡിയിലെടുത്തതായി പോലീസ് അറിയിച്ചു.
വടക്കാടുപടിയിലെ പ്ലേവുഡ് ഫാക്ടറിയിലാണ് കുഞ്ഞിന്റെ മാതാപിതാക്കൾ ജോലി ചെയ്ത് വരുന്നത്. ഇവർക്കൊപ്പം എത്തിയതായിരുന്നു കുട്ടി. കളിച്ചു കൊണ്ടിരുന്ന കുട്ടിയെ കൂട്ടത്തിൽ ജോലി ചെയ്തിരുന്ന രണ്ട് ഇരത സംസ്ഥാന തൊഴിലാളികൾ കൂട്ടികൊണ്ടു പോയി ലൈംഗികാതിക്രമത്തിന് ഇരയാക്കുകയായിരുന്നു. തുടർന്ന് മാറി ഇരുന്ന് കരയുന്ന കുട്ടിയെ കണ്ട പിതാവാണ് പോലീസിൽ പരാതിപ്പെടുന്നത്. ദൃക്സാക്ഷികളുടെ മൊഴികളുടെ അടിസ്ഥാനത്തിൽ രണ്ട് പേരെയും കസ്റ്റഡിയിലെടുത്തതായി പോലീസ് അറിയിച്ചു. ഇവരെ ചോദ്യം ചെയ്ത് വരികയാണെന്നും കുട്ടിയുടെ ആരോഗ്യനില തൃപ്തികരമാണെന്നും പോലീസ് അറിയിച്ചു.