ചൊവ്വയിൽ 63-ാമത് പറക്കലിന് തയ്യാറെടുത്ത് നാസയുടെ ഇൻജെനറ്റി ഹെലികോപ്റ്റർ. വരുന്ന വ്യാഴാഴ്ചത്തേക്കാണ് ദൗത്യം ഷെഡ്യൂൾ ചെയ്തിരിക്കുന്നതെന്ന് നാസ അറിയിച്ചു. മിനിയേച്ചർ വിമാനമായ ഇൻജെനറ്റി 137 സെക്കൻഡ് സമയത്തേക്ക് ഏകദേശം 574 മീറ്റർ ഉയരത്തിൽ പറക്കുമെന്ന് നാസ അധികൃതർ വ്യക്തമാക്കി.
മുമ്പ് ചൊവ്വയിൽ നടന്ന 62 പറക്കലുകളിലൂടെ റോക്കറ്റ് ഇതിനോടകം തന്നെ ശ്രദ്ധേയമായ ട്രാക്ക് സ്വന്തമാക്കിയിട്ടുണ്ട്. ഇതിനോടകം 113 മിനിറ്റ് സമയമെടുത്ത് 13.9 കിലോമീറ്റർ ദൂരം പിന്നിട്ടിരുന്നു. ഇത് പേടകത്തിന്റെ പ്രതിരോധ ശേഷിയുടെയും ഭാവി ചൊവ്വ ദൗത്യങ്ങളുടെയും നേട്ടമായാണ് കാണുന്നത്.
2021 ഫെബ്രുവരി 18-നാണ് നാസയുടെ പെർസെവറൻസ് റോവറിൽ ഇൻജെനറ്റി ചൊവ്വയിൽ എത്തുന്നത്. ചൊവ്വയിലെ ജെസീറോ ക്രേറ്ററിലാണ് പേടകം ഇറങ്ങിയത്. ഇവിടെ നിന്നുമാണ് ഹെലികോപ്റ്ററിന്റെ യാത്ര ആരംഭിച്ചത്. 90 സെക്കൻഡ് വരെ സമയമെടുത്തുള്ള സഞ്ചാരത്തിന് വേണ്ടിയാണ് ഇത് രൂപകൽപ്പന ചെയ്തത്. എന്നാൽ നാസ സജ്ജമാക്കിയിരിക്കുന്നത് പ്രകാരം ചൊവ്വയുടെ ഉപരിതലത്തിൽ നിന്നും ഏകദേശം മൂന്ന് മുതൽ 4.5 മീറ്റർ വരെ ഉയരത്തിൽ 300 മീറ്ററോളം സഞ്ചരിക്കാനാകും.