അഫ്ഗാനോട് ലോകകപ്പില് വഴങ്ങിയ തോല്വിക്ക് പിന്നാലെ പാകിസ്താന് ടീമിന് നേരിടേണ്ടി വരുന്നത് വമ്പന് വിമര്ശനങ്ങളാണ്. മുന്താരങ്ങളടക്കം നിരവധിപേരാണ് ബാബറിനെയും സംഘത്തിനെതിരെയും തുറന്നടിച്ചത്. തോല്വി എന്നതിന് പുറമെ അഫ്നാഗാനോട് വഴങ്ങിയത് ദയനീയ പരാജയമെന്നാണ് വിലയിരുത്തല് കളിയുടെ സമസ്ത മേഖലകളിലും പാക്സിതാന് അഫ്ഗാന് മുന്നില് കീഴടങ്ങി.
‘കഴിഞ്ഞ രണ്ടുവര്ഷമായി പാക് ടീമിലെ കളിക്കാര് ഫിറ്റ്നസ് ടെസ്റ്റിന് വിധേയരാകാറില്ല. അത് അവരുടെ ഫീല്ഡിംഗ് കണ്ടാല് മനസിലാകും. ദിവസവും എട്ടു കിലോ മട്ടണാണ് ഇവര് ഓരോരുത്തരും കഴിക്കുന്നത്, പിന്നെ എങ്ങനെ ഫിറ്റ്നസ് ഉണ്ടാകും. കൃത്യസമയത്ത് നടത്തേണ്ട ഒരു ഫിറ്റ്നസ് ടെസ്റ്റുകളും ടീം മാനേജ്മെന്റ് നടത്തുന്നില്ല.
ഫിറ്റ്നസ് ഇല്ലാത്ത എല്ലാ കളിക്കാരേയും എനിക്കറിയാം, അവരുടെ പേരുകള് പറയാത്തത് വ്യക്തിപരമായ ആക്രമണം വേണ്ടെന്നു കരുതിയാണ്. നിങ്ങള് കളിക്കുന്നത് ഒരു രാജ്യത്തിനു വേണ്ടി ആണെന്ന് ഓര്ക്കണം. പ്രൊഫഷണലായി കളിക്കാനാണ് പണം വാങ്ങുന്നത്. അതിനാല് ഫിറ്റ്നസ് കാര്യങ്ങളില് ഒരു നിശ്ചിത മാനദണ്ഡം കാത്തുസൂക്ഷിക്കണം.മിസ്ബ പരിശീലകനായിരുന്നപ്പോള് ഒരു ഫിറ്റ്നസിന് ഒരു മാനദണ്ഡമുണ്ടായിരുന്നു. ഇതിനാല് മിസ്ബയെ കളിക്കാര് വെറുത്തിരുന്നു, എങ്കിലും അതിന്റെ ഫലം മത്സരങ്ങളില് കണ്ടിരുന്നു-അക്രം പറഞ്ഞു.