ന്യൂഡൽഹി : രാഷ്ട്രീയ സ്വയം സേവക് സംഘിനെ (ആർഎസ്എസ്) കുറിച്ച് പരമ്പര നിർമ്മിക്കാൻ ദേശീയ അവാർഡ് ജേതാക്കളായ രാജ്യത്തെ അറിയപ്പെടുന്ന ആറ് സംവിധായകർ ഒരുമിക്കുന്നു . 2025ൽ ആർഎസ്എസ് 100 വർഷം പൂർത്തിയാക്കുന്നതിനോടനുബന്ധിച്ചാണ് ഇത് നിർമിക്കുന്നത്. ‘ഏക് രാഷ്ട്ര’ എന്നാണ് പരമ്പരയ്ക്ക് പേരിട്ടിരിക്കുന്നത്.
പരമ്പരയുടെ ആദ്യ പോസ്റ്റർ ഇന്ന് പുറത്തിറങ്ങി. വിജയദശമി ദിനമാണ് രാഷ്ട്രീയ സ്വയംസേവക സംഘത്തിന്റെ സ്ഥാപക ദിനം. സിനിമാ നിരൂപകൻ തരൺ ആദർശും ചിത്രത്തിന്റെ ആദ്യ പോസ്റ്റർ സോഷ്യൽ മീഡിയയിൽ പങ്ക് വച്ചിട്ടുണ്ട് . പ്രിയദർശൻ, വിവേക് രഞ്ജൻ അഗ്നിഹോത്രി, ഡോ. ചന്ദ്രപ്രകാശ് ദ്വിവേദി, മഞ്ജു ബോറ, സഞ്ജയ് പുരൺ സിംഗ് ചൗഹാൻ, ജോൺ മാത്യു മത്തൻ എന്നിവരാണ് ഈ പരമ്പര നിർമ്മിക്കാനായി ഒരുമിച്ച് ചേരുന്നത് . .
100 വർഷത്തിലേറെയായി രാജ്യത്തെ ഒരുമയോടെ നിലനിർത്താൻ പോരാടിയ സ്വയംസേവകരുടെ ജീവിതം പരമ്പരയിൽ ആവിഷ്ക്കരിക്കും.
