22-സാധാരണക്കാരെ നിഷ്കരുണം കൊന്നുതള്ളി, 60-ലേറെ പേര് പരിക്കേറ്റ് ജീവനായി പോരാടുന്നു. അമേരിക്കയിലെ ലെവിസ്റ്റണ് ഒപ്പം ലോകമൊന്നാകെ ഞെട്ടിയ വാര്ത്തയായിരുന്നു ഇത്. ഈ കൂട്ടക്കൊലയുടെ ഉത്തരവാദി ആരാണെന്ന് അധികൃതര് കണ്ടെത്തി. ഇതു സംബന്ധിച്ച ഒരു വാര്ത്താ കുറിപ്പാണ് അധികൃതര് പങ്കുവച്ചത്. റോബര്ട്ട് കാര്ഡ് എന്ന മദ്ധ്യവയസ്കന് ട്രെയിനിംഗ് ലഭിച്ച ഒരു ഷൂട്ടറും, പരിശീലകനുമാണ്. ഇയാള് സൈന്യത്തില് സേവനം നടത്തിയിട്ടുള്ള ഇയാള് അക്രമകാരിയെന്നാണ് അധികൃതര് നല്കുന്ന വിവരം.
ഗാര്ഹിക പീഡനത്തിന് അറസ്റ്റിലായ ഇയാള് മനോരോഗ കേന്ദ്രത്തില് ചികിത്സ തേടിയിട്ടുണ്ടെന്നും അമേരിക്കയിലെ മാദ്ധ്യമങ്ങള് റിപ്പോര്ട്ട് ചെയ്യുന്നു. ഇല്ലാത്ത ശബ്ദങ്ങളും വെടിയൊച്ചകളും കേള്ക്കുന്ന ഇയാളെ ഹലൂസിനേഷന് അടക്കമുള്ള രോഗാവസ്ഥ അലട്ടുന്നുണ്ടെന്നാണ് വിവരം. മാനസിക അസ്വസ്ഥത പ്രകടിപ്പിച്ചതോടെ അടുത്ത കാലത്ത് ഇയാളെ രണ്ടാഴ്ച ആശുപത്രിയില് പ്രവേശിപ്പിച്ചിരുന്നുവെന്നാണ് റിപ്പോര്ട്ട്. ലെവിസ്റ്റണില് അടിയന്തര ജാഗ്രതാ നിര്ദേശം നല്കി. അക്രമി ആയുധവുമായി പുറത്ത് കറങ്ങി നടക്കുന്നതിനാല് പുറത്തിറങ്ങാതെ വീടിനുള്ളില് വാതിലുകള് പൂട്ടിയിരിക്കാനാണ് നിര്ദ്ദേശം. അക്രമിയെ പിടികൂടാനുള്ള ശ്രമത്തിലാണ് പൊലീസ്.
മൂന്നിടങ്ങളിലായാണ് റോബര്ട്ട് കാര്ഡ് വെടിവയ്പ്പ് നടത്തിയത്. സ്പെയര്ടൈം റിക്രിയേഷന്, സ്കീംഗീസ് ബാര്, ഗ്രില് റെസ്റ്റോറന്റ്, വാള്മാര്ട്ട് വിതരണ കേന്ദ്രം എന്നിവിടങ്ങളിലാണ് അക്രമി വെടിവയ്പ്പ് നടന്നത്. ആക്രമണത്തിന് ശേഷം വെള്ള കാറില് രക്ഷപ്പെട്ട ഇയാള്ക്കായി തെരച്ചില് ഊര്ജിതമാക്കിയിട്ടുണ്ട്. അതേസമയം ഇയാളെ കണ്ടാല് സാധാരണക്കാര് പിടികൂടാനോ അടുത്തു പോകാനോ ശ്രമിക്കരുതെന്നും പ്രതി അത്യധികം അപകടകാരിയാണെന്നും ആയുധധാരിയാണെന്നും പോലീസ് അറിയിച്ചു. ലിസ്ബണില് പ്രതിയെ ലോക്കേറ്റ് ചെയ്തിട്ടുണ്ടെന്നാണ് സൂചനയെന്നും യുഎസ് പബ്ലിക് സേഫ്റ്റി കമ്മിഷണര് അറിയിച്ചു.
#UPDATE | The Maine State Police is attempting to locate Robert Card as a person of interest regarding a mass shooting incident at Schemengees Bar & Grille Restaurant and the Sparetime Recreation in Lewiston, Maine pic.twitter.com/7nPsOYadev
— ANI (@ANI) October 26, 2023
“>
#WATCH | Maine, US: Department Of Public Safety Commissioner Michael J Sauschuck says, “At approximately 6.56 this evening, a couple of shooting incidents occurred here with multiple casualties in Lewiston. Police are currently searching for a Robert R Card… He is considered… pic.twitter.com/DbrMx1E5jB
— ANI (@ANI) October 26, 2023
“>