ഉപയോക്താക്കൾക്കായി നിരന്തരം അപ്ഡേറ്റുകളാണ് വാട്സ്ആപ്പ് നൽകുന്നത്. ഏറ്റവുമൊടുവിലായി കോൺടാക്ട്സിലേക്ക് ആഡ് ചെയ്യാതെ തന്നെ അറിയാത്ത ആളുമായി ആശയവിനിമയം നടത്താൻ കഴിയുന്ന ഫീച്ചർ ഡെസ്ക് ടോപ്പിന് കൂടി ലഭ്യമാക്കിയിരിക്കുകയാണ് വാട്സ്ആപ്പ്. പരീക്ഷണാടിസ്ഥാനത്തിൽ കൊണ്ടുവന്ന ഫീച്ചർ വാട്സ്ആപ്പ് വെബ് ഉപയോഗിക്കുന്ന എല്ലാവരിലേക്കും ഉടൻ തന്നെ എത്തിക്കുമെന്നാണ് റിപ്പോർട്ടുകൾ.
നിലവിൽ ആൻഡ്രോയിഡ്, ഐഒഎസ് പ്ലാറ്റ്ഫോമുകളിൽ ഈ ഫീച്ചർ ലഭ്യമാണ്. വിൻഡോസ് അപ്ഡേറ്റിനായി മൈക്രോസോഫ്റ്റ് സ്റ്റോറിൽ നിന്ന് പുതിയ വാട്സ്ആപ്പ് ബീറ്റാ വേർഷൻ ഇൻസ്റ്റാൾ ചെയ്യുന്നവർക്ക് പുതിയ ഫീച്ചർ ലഭ്യമാവും. ന്യൂ ചാറ്റ് സ്ക്രീനിൽ ഫോൺ നമ്പർ എന്ന ഓപ്ഷൻ കൊടുത്തിട്ടുണ്ടെങ്കിൽ പുതിയ ഫീച്ചർ ലഭ്യമാണ്. കോൺടാക്ട്സിൽ സേവ് ചെയ്യാത്ത നമ്പറുകളുടെ ഉടമകളുമായി എളുപ്പം ചാറ്റ് ചെയ്യാൻ കഴിയുന്നവിധമാണ് ക്രമീകരണം.
