വിദേശത്ത് താമസിക്കുന്നവർ എന്തൊക്കെ മറന്നാലും സ്വന്തം നാട്ടിലെ ഭക്ഷണങ്ങൾ അവർക്ക് ഒരിക്കലും മറക്കാൻ സാധിക്കില്ല. ദക്ഷിണേന്ത്യൻ ഭക്ഷണങ്ങളോടുള്ള പ്രിയം ഇപ്പോൾ ലോകമെമ്പാടും വളരെയധികം പ്രചാരം നേടിക്കൊണ്ടിരിക്കുകയാണ്. ചോറും വിവിധ തരത്തിലുള്ള കറികളും നമ്മൾ ഭാരതീയരുടെ ഒരു വികാരം തന്നെയാണ്. എന്നാൽ ഇത്തരത്തിൽ ചോറും നാലു കൂട്ടം കറികളും തരുന്ന ഒരു ഹോട്ടൽ ജപ്പാനിലും ഉണ്ടെന്നു പറഞ്ഞാൽ നിങ്ങൾ വിശ്വസിക്കുമോ? സംഭവം സത്യമാണ്. ജപ്പാനിൽ ദക്ഷിണേന്ത്യൻ ഭക്ഷണ പദാർത്ഥങ്ങൾ വിളമ്പുന്ന ഒരു ഹോട്ടലുണ്ട്. അറിയാം..
ജപ്പാനിലെ ക്യോട്ടോയിലാണ് ജപ്പാൻകാർക്കും ദക്ഷിണേന്ത്യൻ ഭക്ഷണങ്ങൾ വിളമ്പുന്ന ഹോട്ടൽ സ്ഥിതി ചെയ്യുന്നത്. ഇവിടുത്തെ ജീവനക്കാരും ജാപ്പനീസ് പൗരന്മാർ തന്നെയാണെന്നുള്ളതാണ് മറ്റു ഹോട്ടലുകളിൽ നിന്നും ഈ ഭക്ഷണ ശാലയെ വേറിട്ടു നിർത്തുന്നത്.
ഗോവ മുഖ്യമന്ത്രിയുടെ മുൻ നയതന്ത്ര ഉപദേഷ്ടാവ് പ്രസന്ന കാർത്തിക് ആണ് ഈ ഹോട്ടലിനെ സമൂഹ മാദ്ധ്യമമായ എക്സിലൂടെ ഭക്ഷണ പ്രേമികൾക്ക് മുന്നിലെത്തിച്ചിരിക്കുന്നത്. തക്ഡ എന്നാണ് ഈ ഭക്ഷണ ശാലയുടെ പേര്. ഇന്ത്യൻ പൗരരെക്കാൾ കൂടുതലായി ജാപ്പനീസ് പൗരന്മാർ തന്നെയാണ് ഇവിടെ നിന്നും ആസ്വദിച്ച് ഭക്ഷണം കഴിക്കുന്നത്. 6 മാസത്തിലൊരിക്കൽ ഹോട്ടൽ നടത്തിപ്പുകാർ ചെന്നൈയിലേക്ക് എത്തുകയും ഇവിടെ നിന്നും പുതിയ ഭക്ഷണങ്ങളെ കുറിച്ച് പഠിക്കുകയും ചെയ്താണ് തിരിച്ചുമടങ്ങുന്നത്. ഇതിലൂടെ നമ്മുടെ ഭക്ഷണങ്ങൾ മറ്റു രാജ്യങ്ങളിൽ എത്രത്തോളം സ്വാധീനം ചെലുത്തുന്നുണ്ടെന്ന് നമുക്ക് മനസിലാക്കാൻ സാധിക്കും. പ്രസന്ന കാർത്തിക് ചിത്രങ്ങൾ പങ്കുവച്ച് എക്സിൽ കുറിച്ചു.
I visited this kick-ass south Indian restaurant called Tadka in Kyoto, Japan. Tadka is owned and run by Japanese people. They visit Chennai once every 6 months, learn new dishes, practice it to perfection and add it to their menu. pic.twitter.com/rDmBn4JbIC
— Prasanna Karthik (@prasannakarthik) October 29, 2023
“>
ചിത്രങ്ങൾ വൈറലായതോടെ നിരവധി ആളുകളാണ് കമന്റുകളുമായി രംഗത്തെത്തിയത്. പലരും ഹോട്ടലിനെ കുറിച്ച് കൂടുതൽ അറിയാൻ ആഗ്രഹം പ്രകടിപ്പിച്ചാണ് മുന്നോട്ടുവന്നത്.