ഉപയോക്താക്കളുടെ സുരക്ഷയ്ക്കായി കോളുകളിൽ ഐപി അഡ്രസ് സംരക്ഷിക്കുന്നതിന് പുതിയ ഫീച്ചറുമായി വാട്സ്ആപ്പ്. ഫീച്ചർ നിലവിൽ ചില ബീറ്റ ടെസ്റ്റേഴ്സിന് മാത്രമാണ് ലഭ്യമായിട്ടുള്ളത്. റിപ്പോർട്ട് അനുസരിച്ച് പ്രൈവസി സെറ്റിംഗ്സിൽ വോയ്സ്, വീഡിയോ കോളുകൾ സുരക്ഷിതമാക്കാൻ ‘പ്രൊട്ടക്ട് ഐപി അഡ്രസ് ഇൻ കോൾസ്’ എന്ന ഓപ്ഷൻ ലഭ്യമാകും.
ഫീച്ചർ നടപ്പിൽ വരുന്നതോടെ കോൾ ചെയ്യുന്നവരുടെ ലൊക്കേഷനും ഐപി വിലാസവും മറച്ച് വെയ്ക്കപ്പെടും. ഇതോടെ സുരക്ഷ വർദ്ധിക്കും. ഇതോടെ കോളുകൾ എൻഡ്-ടു-എൻഡ് എൻക്രിപ്റ്റായി തുടരും. പുതിയ ഫീച്ചർ ഐഒഎസിൽ നിന്ന് ടെസ്റ്റ്ഫൈ്ളൈറ്റ് ആപ്പ് ഉപയോഗിക്കുന്ന വാട്സ്ആപ്പിന്റെ ഏറ്റവും പുതിയ ബീറ്റ പതിപ്പുയോഗിക്കുന്നവർക്ക് ലഭ്യമാണ്.
