ആരാധകരുടെ പ്രിയപ്പെട്ട താര ജോഡികളാണ് ആലിയയും രൺബീറും. ഇരുവരുടെയും മകളുടെ ജനനം മുതൽ ആരാധകർ ഒന്നടങ്കം ചോദിക്കുന്നതാണ് റാഹയുടെ മുഖം കാണിക്കാത്തത് എന്തുകൊണ്ടാണെന്ന്. ഇതുവരെ കാരണം വെളിപ്പെടുത്താതിരുന്ന ആലിയ ഇപ്പോൾ അക്കാര്യം തുറന്നു പറഞ്ഞിരിക്കുകയാണ്. ഒരു അഭിമുഖത്തിനിടയിലായിരുന്നു ആലിയ അക്കാര്യം പങ്കുവച്ചത്.
‘മകളുടെ മുഖം മറച്ചുപിടിക്കുകയാണെന്ന് കരുതരുത്. എനിക്ക് അവളില് അഭിമാനമാണുള്ളത്. ഇപ്പോള് ക്യാമറ ഓണ് ആണ് അല്ലെങ്കിൽ മകളുടെ വലിയൊരു ചിത്രം ഞാന് ഈ സ്ക്രീനില് കാണിക്കുമായിരുന്നു. ഞാന് അവളെ ഏറെ സ്നേഹിക്കുന്നു. ഞങ്ങളുടെ കുഞ്ഞില് എനിക്ക് അഭിമാനമുണ്ട്. പക്ഷേ ഞങ്ങള് പുതിയ അച്ഛനും അമ്മയുമാണ്. ഇന്റര്നെറ്റില് മകളുടെ മുഖം നിറഞ്ഞു നില്ക്കുന്നത് എങ്ങനെയുണ്ടാവുമെന്ന് ഞങ്ങള്ക്കറിയില്ല. അവള്ക്ക് കഷ്ടിച്ച് ഒരു വയസേയുള്ളൂ.’- ആലിയ പറഞ്ഞു
മകൾ ജനിച്ചതിന് ശേഷം ജീവിതം ആകെ മാറിയെന്നും താരം പറയുന്നുണ്ട്. തങ്ങളില് ആരെങ്കിലും എപ്പോഴും മകള്ക്കൊപ്പം കൂടെയുണ്ടാവുന്ന തരത്തിലാണ് സിനിമകള് തിരഞ്ഞെടുക്കുന്നത് . താന് ജിഗ്രയുടെ തിരക്കിലായതിനാല് രണ്ബീര് കുറച്ചു മാസത്തേക്ക് ജോലിയില് നിന്ന് ഇടവേളയെടുത്തിരിക്കുകയാണെന്നും ആലിയ വ്യക്തമാക്കി.
മകള്ക്കൊപ്പം കൂടുതൽ സമയം ചെലവഴിക്കാനായി അഞ്ച് മണിക്കൂർ മാത്രമാണ് താന് ഉറങ്ങുന്നതെന്നും താരം പറഞ്ഞു. കഴിഞ്ഞ വര്ഷമാണ് ആലിയ ഭട്ടിനും രണ്ബീര് കപൂറിനും മകള് പിറന്നത്. ഈ മാസമാണ് താരപുത്രിക്ക് ഒരു വയസ് തികയുന്നത്.