ഇതിലും ഗതികെട്ടവരായി ആരുണ്ട്; ക്രീസിലിറങ്ങാതെ ഔട്ടായ ചരിത്രത്തിലെ ആദ്യ താരമായി മാത്യൂസ്

ക്രിക്കറ്റില്‍ വിചിത്രമായി നിരവധി പുറത്താകലുകള്‍ കണ്ടിട്ടുണ്ടെങ്കിലും ക്രീസില്‍ ഇറങ്ങാതെ ഒരു ബാറ്റര്‍ പുറത്താകുന്നത് ആദ്യം.അങ്ങനെ ഒരു നാണക്കേടിന്റെ ചരിത്രത്തില്‍ ഇടംപിടിച്ചതാകട്ടെ ശ്രീലങ്കയുടെ ഓള്‍റൗണ്ടര്‍ എയ്ഞ്ചലോ മാത്യൂസും. അന്താരാഷ്‌ട്ര തലത്തില്‍ ഇങ്ങനെ പുറത്താകുന്ന ആദ്യ താരമാണ് മാത്യൂസ്. ശ്രീലങ്കയുടെ നാലാം വിക്കറ്റ് നഷ്ടമായ ശേഷം ക്രീസിലെത്തിയ മാത്യൂസ് സ്‌ട്രൈക്ക് എടുക്കാന്‍ വൈകിയെന്ന് കാണിച്ച് ബംഗ്ലാദേശ് അപ്പീല്‍ ചെയ്തു.

മൂന്ന് മിനുട്ടിനകം മാത്യൂസ് ക്രീസിലെത്തി സ്ട്രൈക്ക് എത്തിയില്ലെന്ന് ബോധ്യമായതോടെ അമ്പയര്‍മാര്‍ താരം ടൈംഡ് ഔട്ടാണെന്ന് വിധിക്കുകയുമായിരുന്നു. കേടായ ഹെല്‍മെറ്റാണ് താരത്തിന് പണി നല്‍കിയത്. മാത്യൂസിന് ഹെല്‍മെറ്റുമായി സബ്സ്റ്റിട്യൂട്ട് താരമെത്തിയെങ്കിലും സമയം കഴിഞ്ഞുവെന്ന് കാണിച്ചുള്ള ബംഗ്ലാദേശിന്റെ അപ്പീല്‍ താരത്തിന്റെ പുറത്താകലിന് കാരണമായി.

പുറത്തായ ബാറ്റര്‍ക്ക് പകരമെത്തുന്ന ബാറ്റര്‍ മൂന്ന് മിനുട്ടിനുള്ളില്‍ ക്രീസിലെത്തി സ്‌ട്രൈക്ക് എടുക്കണമെന്നാണ് ക്രിക്കറ്റിലെ നിയമം. ഇല്ലെങ്കില്‍ ഔട്ട് വിധിക്കാമെന്നാണ് നിയമം. എം.സി.സി നിയമ പ്രകാരമാണിത്. അതേസമയം ഐസിസി അംഗീകരിച്ചിരിക്കുന്നത് രണ്ടു മിനിട്ടാണ്. ഇതാണ് മാത്യൂസിന് വിനയായത്.

നിശ്ചിത സമയത്ത് ക്രീസിലെത്തിയെങ്കിലും ഹെല്‍മെറ്റ് ശരിയാകാത്തതിനാല്‍ താരം സ്‌ട്രൈക്ക് എടുത്തിരുന്നില്ല. ഇതിനു മുന്‍പ് ആറുതവണയാണ് ഇത്തരത്തില്‍ ബാറ്റര്‍മാര്‍ പുറത്തായത്. അതെല്ലാം ഫസ്റ്റ് ക്ലാസ് ഫോര്‍മാറ്റിലായിരുന്നു.

#BANvSL “Angelo Mathews”
what is this? pic.twitter.com/JIsQo6cPut

— Ankur Jain 🇮🇳 (@aankjain) November 6, 2023

“>