വീണ്ടും മാറ്റങ്ങളുമായി വാട്സ്ആപ്പ്. വാട്സ്ആപ്പ് ചാനലുകളിൽ സ്റ്റിക്കറുകളും വോയ്സ് മെസേജുകളും ഉടൻ എത്തുമെന്നാണ് സൂചന. വാട്സ്ആപ്പ് സ്റ്റാറ്റസുകളിലും ചാനലുകളിലും പരസ്യം ഉൾപ്പെടുത്താനുള്ള പദ്ധതിയുമുണ്ടെന്നാണ് റിപ്പോർട്ട്. എന്നാൽ ചാറ്റ് ബോക്സുകളിൽ പരസ്യം ഉണ്ടാകില്ല.
നിരവധി അപ്ഡേഷനുകളാണ് വാട്സ്ആപ്പിൽ മെറ്റ അവതരിപ്പിച്ച് കൊണ്ടിരിക്കുന്നത്. ഉപയോക്താക്കൾക്ക് നേരത്തെ അയച്ച ഒരു സന്ദേശം കണ്ടെത്താൻ കീവേഡുകൾ ഓർക്കണമെന്നില്ല. സന്ദേശം എന്നാണ് അയച്ചെന്നതെന്നും അല്ലെങ്കിൽ ലഭിച്ചതെന്നും അറിയാമെങ്കിൽ തീയതി അടിസ്ഥാനമാക്കി സന്ദേശങ്ങൾ കണ്ടെത്താനുള്ള ഓപ്ഷനാണ് ഏറ്റവുമൊടുവിലായി പുറത്തിറക്കിയത്.
