ഉന്നത വിദ്യാഭ്യം, ഉയർന്ന ജോലി, മികച്ച ശമ്പളം ഇതൊക്കെ ഏതൊരാളുടെയും സ്വപ്‌നമായിരിക്കും. വിദേശത്ത് ജോലി ചെയ്യാൻ ആഗ്രഹിക്കുന്നവരാണ് നിങ്ങളെങ്കിൽ നിരവധി അവസരവുമായി ജർമ്മനി നിങ്ങളെ മാടിവിളിക്കുന്നു. കോവിഡിനു ശേഷം ജർമ്മനിയിൽ വർദ്ധിച്ചു വന്ന തൊഴിലാളിക്ഷാമം തന്നെയാണ് വിദേശ തൊഴിലാളികൾക്ക് കൂടുതൽ അവസരം ലഭിക്കാൻ കാരണം. ഏതൊക്കെ മേഖലകളിലേക്കാണ് ഒഴിവുകളുള്ളതെന്ന് നോക്കാം..
നഴ്‌സിംഗ് ഉദ്യോഗാർത്ഥികൾക്ക് ജർമ്മനിയിൽ മികച്ച അവസരങ്ങളാണ് ഭരണക്കൂടം ഒരുക്കിയിരിക്കുന്നത്. ഇതിനുപുറമെ സാമൂഹിക പരിചരണം, വിദ്യാഭ്യാസം, നിയമം, അക്കൗണ്ടിംഗ്, മാനേജ്‌മെന്റ്, ഐടി, എഞ്ചിനീയറംഗ്, ലോജിസ്റ്റിക്‌സ്, ടൂറിസം തുടങ്ങിയ മേഖലകളിൽ നിരവധി ഒഴിവുകളാണ് ഉദ്യോഗാർത്ഥികളെ കാത്തിരിക്കുന്നത്.
ഇമിഗ്രേഷൻ സംവിധാനം ലളിതമാക്കാൻ ഒരുങ്ങുകയാണ് ഇവിടുത്തെ ഭരണകൂടം. ഇമിഗ്രേഷൻ സംവിധാനങ്ങൾ ലളിതമാക്കി വിദഗ്ധരായ വിദേശ തൊഴിലാളികൾക്ക് തൊഴിലവസരം നൽകുക എന്നതാണ് ജർമ്മനി ലക്ഷ്യം വയ്‌ക്കുന്നത്. തൊഴിലാളി ക്ഷാമം പരിഹരിക്കാൻ കുടിയേറ്റക്കാരെ ആവശ്യമാണെങ്കിലും സിറിയ, അഫ്ഗാനിസ്ഥാൻ, തുർക്കി എന്നിവിടങ്ങളിൽ നിന്ന് ജർമിനിയിലേക്ക് അഭയം തേടി എത്തുന്ന കുടിയേറ്റക്കാരെ ജർമ്മനി പ്രോത്സാഹിപ്പിക്കുന്നുമില്ല.
അതേസമയം ഉദ്യോഗാർത്ഥികൾ 35 വയസ്സിന് താഴെയുള്ളവരും രാജ്യത്ത് താമസിക്കാൻ ആവശ്യമായ ഭാഷാ വൈദഗ്ധ്യവും ഉള്ളവരായിരിക്കണം. കുറഞ്ഞത് 3 വർഷത്തെ പ്രൊഫഷണൽ പരിചയവും ഉദ്യോഗാർത്ഥികൾക്ക് ആവശ്യമാണ്. ജോലി കണ്ടെത്തുന്നതിന് മുൻപ് ജർമനിയിൽ താമസിക്കുന്ന സമയത്തെ ജീവിത ചെലവുകൾ വഹിക്കാൻ കഴിയുമെന്നും അപേക്ഷകർ തെളിയിക്കണം.
