ടെസ്ല സ്ഥാപകൻ ഇലോൺമസ്‌കിന്റെ ജീവിതം സിനിമയാകാൻ പോകുന്നു എന്ന വിവരമാണ് ഇപ്പോൾ പുറത്ത് വരുന്നത്. പ്രശസ്ത ഹോളിവുഡ് സംവിധായകൻ ഡാരൻ ആരോനോഫ്‌സ്‌കിയാണ് ചിത്രം ഒരുക്കുന്നതെന്നുള്ള വാർത്തകളാണ് സമൂഹമാദ്ധ്യമങ്ങളിൽ ട്രെൻഡിംഗിൽ ഇടം നേടിയിരിക്കുന്നത്. ബ്ലാക്ക് സ്വാൻ എന്ന ചിത്രത്തിലൂടെ മികച്ച സംവിധായകനുള്ള ഓസ്‌ക്കാർ നോമിനേഷനിൽ ഇടം നേടിയ വ്യക്തിയാണ് അദ്ദേഹം.
ബ്ലാക്ക് സ്വാൻ, ദ വെയ്ൽ, ദ പൈമദർ തുടങ്ങിയ പ്രശസ്ത സിനിമകളുടെ സംവിധായകനാണ് ഡാരൻ ആരോനോഫ്‌സ്‌കി. ദി വെയ്ൽ നിർമ്മിച്ച A24 എന്ന പ്രൊഡക്ഷൻ ഹൗസ് തന്നയായിരിക്കും ഇലോൺ മസ്‌ക്കിന്റെ ജീവിതത്തെ അടിസ്ഥാനമാക്കിയുള്ള ചിത്രവും നിർമ്മിക്കുന്നത്. ഇലോൺ മസ്‌കിന്റെ ജീവിത ചരിത്രത്തെ ആസ്പദമാക്കി വാൾട്ടർ ഐസക്‌സണിന്റെ രചനയിൽ പുറത്തിറങ്ങിയ ‘ ഇലോൺ മസ്‌ക്’ എന്ന പുസ്തകത്തെ അടിസ്ഥാനമാക്കിയാണ് ചിത്രം ഒരുക്കുന്നത്. സിനിമയുടെ അഭിനേതാക്കളെ കുറിച്ച് നിലവിൽ വിവരങ്ങളൊന്നും പുറത്തുവിട്ടിട്ടില്ലെങ്കിലും മസ്‌കിന്റെ ജീവിതത്തിനു പുറമെ ബഹിരാകാശ പര്യവേഷണം പോലുള്ള നിരവധി കാര്യങ്ങൾ ചിത്രം ചർച്ച ചെയ്യുമെന്നാണ് പുറത്തു വരുന്ന റിപ്പോർട്ടുകൾ.
