മലപ്പുറം: യുട്യൂബർ മുഹമ്മദ് നിഹാദ് എന്ന ‘തൊപ്പി’ ഉദ്ഘാടകനായെത്തിയ കടയുടെ ഉടമകൾക്കെതിരെ കേസ്. ഗതാഗത തടസ്സം സൃഷ്ടിച്ചതിനാണ് കടയുടമകൾക്കെതിരെ പോലീസ് കേസെടുത്തത്.
കഴിഞ്ഞ ദിവസം വൈകുന്നേരമാണ് തൊപ്പി ഒതുക്കുളങ്ങിലെ തുണിക്കടയിൽ ഉദ്ഘാടനത്തിനായി എത്തേണ്ടിയിരുന്നത്. എന്നാൽ, തൊപ്പി എത്തുന്നു എന്നറിഞ്ഞതോടെ നിരവധിപേർ സഥലത്ത് എത്തുകയും വൻ ഗതാഗത തടസ്സം സൃഷ്ടിക്കുകയുമായിരുന്നു. തുടർന്ന് നാട്ടുകാരുടെ പ്രതിഷേധത്തെ തുടർന്ന് തൊപ്പിയെ പോലീസ് മടക്കി അയക്കുകയായിരുന്നു.
