പുതിയ എക്സ് സീരിസ് സ്മാർട്ട്ഫോൺ പുറത്തിറക്കി വിവോ. വിവോ എക്സ് 100 സീരിസ് ഫോണുകളാണ് ചൈനീസ് വിപണിയിൽ ഇറക്കിയിരിക്കുന്നത്. വമ്പൻ ക്യാമറ, കരുത്തൻ പ്രോസസർ, കരുത്തൻ ബാറ്ററി എന്ന് തുടങ്ങിയ നിരവധി സൗകര്യങ്ങളോടെയാണ് വിവോ എക്സ് 100, വിവോ എക്സ് 100 പ്രോ എന്നിവ അവതരിപ്പിച്ചിരിക്കുന്നത്.
ആരെയും ആകർഷിക്കും വിധത്തിലുള്ള ഡിസൈനാണ് ഫോണിന് നൽകിയിരിക്കുന്നത്. സ്ലിം ഡിസൈനും വൃത്താകൃതിയിലുള്ള ക്യാമറ മൊഡ്യൂളും ആണ് വിവോ നൽകിയിരിക്കുന്നത്. രണ്ട് ഫോണുകളിലും 1.5K റെസല്യൂഷനുള്ള കർവ്ഡ് എഡ്ജുകളുള്ള 6.78 ഇഞ്ച് അമോലെഡ് സ്ക്രീനാണുള്ളത്.
ക്യാമറയാണ് ഈ സീരിസിന്റെ മുഖ്യാകർഷണം. IMX920 VCS ബയോണിക് പ്രൈമറി ക്യാമറയാണ് കമ്പനി എക്സ് 100 സീരിസിൽ കൊടുത്തിക്കുന്നത്. 50 എംപി അൾട്രാ വൈഡ് ക്യാമറയും 64 എംപി സെസ്സ് സൂപ്പർ ടെലിഫോട്ടോ പെരിസ്കോപ്പ് യൂണിറ്റും മാക്രോ ഓപ്ഷനുമാണ് വിവോ എക്സ് 100 സീരിസിലുള്ളത്. വിവോ എക്സ്100 പ്രോയിൽ IMX989 VCS ബയോണിക് പ്രൈമറി ക്യാമറയ്ക്കൊപ്പം 50 എംപി അൾട്രാ വൈഡ് ക്യാമറയും 50 എംപി സെസ്സ് സൂപ്പർ ടെലിഫോട്ടോ പെരിസ്കോപ്പ് ക്യാമറയുമാണുള്ളത്. ഇതിലും മാക്രോ ഓപ്ഷൻ കമ്പനി നൽകുന്നു.
Zeiss APO സാക്ഷ്യപ്പെടുത്തിയ ടെലിഫോട്ടോ ലെൻസ് ഉള്ള കമ്പനിയുടെ ആദ്യത്തെ ഫോൺ കൂടിയാണ് വിവോ എക്സ് 100 പ്രോ. 4K വീഡിയോ പ്രോസസ്സ് ചെയ്യാനും വീഡിയോകളിലെ സ്കിൻ ടോണുകൾ സംരക്ഷിക്കാനും ഇതിന് കഴിയും. ആൻഡ്രോയിഡ് ഫോണുകളിൽ ആദ്യമാണ് ടെലിഫോട്ടോ സൗകര്യം. രണ്ട് ഫോണുകളിലും സെൽഫിക്കായി 32 എംപി ഫ്രണ്ട് ക്യാമറയും നൽകിയിരിക്കുന്നു. വിവോ സ്വയം വികസിപ്പിച്ച ഇമേജിംഗ് ചിപ്പായ വി3 സ്മാർട്ട്ഫോണിൽ കമ്പനി നൽകിയിട്ടുണ്ട്.
5000 mAh ബാറ്ററിയാണ് വിവോ എക്സ് 100-ൽ ഉൾപ്പെടുത്തിയിരിക്കുന്നത്. 120w ഫാസ്റ്റ് ചാർജർ 22 മിനിറ്റുനുള്ളിൽ പൂർണമായി ചാർജ് ചെയ്യുമെന്നാണ് കമ്പനി അവകാശപ്പെടുന്നത്. വിവോ എക്സ് 100 പ്രോയിൽ 5400 mAh ബാറ്ററിയാണ് ഉള്ളത്. 50W വയർലെസ് ചാർജിംഗിനെയും ഇത് പിന്തുണയ്ക്കുന്നു. ആൻഡ്രോയിഡ് 14 അടിസ്ഥാനമാക്കിയുള്ള OriginOS 4ൽ ആണ് ഈ സ്മാർട്ട്ഫോണുകളുടെ പ്രവർത്തനം. USB-C Gen 3.2 പോർട്ട്, വൈഫൈ-7, 5G, NFC, ബ്ലൂടൂത്ത് 5.3 എന്നിവയാണ് പ്രധാന കണക്ടിവിറ്റി ഓപ്ഷനുകൾ.
വിവോ എക്സ് 100 മോഡലിന്റെ 12GB + 256GB വേരിയന്റിന് 3,999 യുവാൻ (ഏകദേശം 45,700 രൂപ) ആണ് വില. 16GB + 512GB വേരിയന്റിന് 4,599 യുവാനും (ഏകദേശം 49,102 രൂപ), 16GB + 1TB വേരിയന്റിന് 4,999 യുവാനും (ഏകദേശം 52,528 രൂപ) വില നൽകണം. വിവോ എക്സ്100 ന്റെ LPDDR5T റാം സാങ്കേതികവിദ്യയുള്ള 16GB + 1TB വേരിയന്റിന് 5,099 യുവാൻ (ഏകദേശം 58,239 രൂപ) ആണ് വില. വിവോ എക്സ്100 പ്രോയുടെ 12/256GB വേരിയന്റിന് 4,999 യുവാൻ (ഏകദേശം 57,097 രൂപ), 16/256GB വേരിയന്റിന് 5,299 യുവാൻ (ഏകദേശം 60,524 രൂപ)യും വില നൽകണം. വിവോ എക്സ് 100 പ്രോയുടെ 16/512GB വേരിയന്റിന് 5,499 യുവാൻ ( ഏകദേശം 63,794 രൂപ), 16GB/1TB വേരിയന്റിന് 5,999 യുവാൻ (ഏകദേശം 69,594 രൂപയും വില നൽകണം. ഇപ്പോൾ ചൈനയിലാണ് ഈ ഫോണുകൾ അവതരിപ്പിച്ചതെങ്കിലും അധികം വൈകാതെ ഇന്ത്യയിലും അവതരിപ്പിക്കപ്പെടുമെന്നാണ് പ്രതീക്ഷ.