മാർസ് സോളാർ കൺജങ്ഷൻ മൂലം റോവറുകൾക്കുള്ള കമാൻഡുകൾ നിർത്തിവച്ച് നാസ. സൂര്യൻ, ഭൂമി, ചൊവ്വ എന്നിവയിലുണ്ടായ സ്ഥാനമാറ്റമാണ് ‘മാർസ് സോളാർ കൺജങ്ഷൻ’. നവംബർ 11 മുതൽ ആരംഭിച്ച ഈ പ്രതിഭാസം നവംബർ 25 വരെ തുടരും.
സൂര്യൻ ഭൂമിക്കും ചൊവ്വക്കും ഇടയിൽ വരുന്നതിനാൽ സൂര്യനിൽ നിന്നും ചൂടുള്ളതും അയണീകരിക്കപ്പെട്ടതുമായ വാതകം പുറന്തള്ളും. ഇത് റേഡിയോ തരംഗങ്ങളെ ബാധിക്കുന്നത് വഴി ചൊവ്വയിലെ റോബോട്ടിക് ഉപകരണങ്ങളുടെ പ്രവർത്തനത്തെ ഇത് ബാധിക്കും. അതിനാലാണ് ഭൂമിയിൽ നിന്നും ചൊവ്വയിലേക്കുള്ള കമാൻഡുകൾ നാസ നിർത്തി വച്ചത്.
നാസയുടെ വിവിധ റോബോട്ടിക് പര്യവേഷണങ്ങൾ ചൊവ്വയിൽ നടക്കുന്നുണ്ട്. ഭൂമിയിൽ നിന്നുള്ള നിർദേശങ്ങൾ നിർത്തിവച്ചുവങ്കിലും ചൊവ്വയിലെ ദൗത്യങ്ങൾ നിശ്ചലമായിട്ടില്ല. പെർസീവിയറൻസ്, ക്യൂരിയോസിറ്റി റോവറുകൾ ചൊവ്വയിലെ തുടരുന്നുണ്ട്. എന്നാൽ അവ നിലവിലുള്ള സ്ഥലങ്ങളിൽ നിന്ന് ചലിക്കാതെയാണ് തുടരുന്നത്.
