മുംബൈ: സെമി പോരാട്ടത്തിന് മുമ്പ് പരിശീലനത്തിനായി വാങ്കഡെയിൽ എത്തിയ നീലപ്പടയുടെ അടുത്തേക്ക് സച്ചിനും ബെക്കാമും എത്തി. മത്സരത്തിന് മുന്നോടിയായി സച്ചിൻ തെണ്ടുൽക്കർ, ഡേവിഡ് ബെക്കാം, വിരാട് കോലി എന്നീ മൂന്ന് ഇതിഹാസങ്ങളെ ഒരുമിച്ച് ഫീൽഡിൽ കണ്ടതോടെ ആരാധകർ ആവേശത്തിലായി.
ഇംഗ്ലണ്ട് ഇതിഹാസത്തിന് മുന്നിൽ കോലി ഫുട്ബോളിലെ തന്റെ സ്കില്ലുകൾ പ്രകടിപ്പിച്ചതും ബെക്കാമിന് ബോൾ പാസ് ചെയ്തതും കണ്ടതോടെ ആരാധകർ ആവേശത്തിന്റെ കൊടുമുടിയിലായി. ടോസിന് മുമ്പ് ജസ്പ്രീത് ബുമ്ര, മുഹമ്മദ് സിറാജ്, ഇഷാൻ കിഷൻ ഉൾപ്പെടെയുള്ള താരങ്ങളുമായി ബെക്കാം സംസാരിച്ചിരുന്നു. ബെക്കാമാണ് കോലി തനിക്ക് ബോൾ പാസ് ചെയ്യുന്ന വീഡിയോ ഇൻസ്റ്റഗ്രാമിൽ പങ്കുവച്ചത്. ഫുട്ബോളിനെ ഏറെ ഇഷ്ടപ്പെടുന്ന കോലിക്ക് ഇന്ത്യൻ സൂപ്പർ ലീഗ് ക്ലബ്ബായ എഫ്സി ഗോവയിൽ ഓഹരികളുണ്ട്. ക്രിക്കറ്റ് ആരാധകനായ ബെക്കാം ആദ്യമായാണ് ഇന്ത്യയിൽ ക്രിക്കറ്റ് മത്സരം കാണാനെത്തുന്നത്.